Zinedine Zidane បាននិយាយក្រោយចប់ការប្រកួត ដោយទឹកមុខប្រុងប្រយ័ត្ននៅមុខកាមេរ៉ារបស់ beIN Sport ក្រោយក្រុមរបស់លោកឈ្នះ PSG ៣ទល់១ ខណៈលោកមិនបានអបអរសាទរខ្លាំងនោះទេ ដោយគ្រូបង្វឹកនេះថា នៅមានកិច្ចការត្រូវធ្វើក្នុងជើងទី២បន្តទៀត។
គ្រូបង្វឹកសញ្ជាតិបារាំងបាននិយាយថា” ត្រឹមលទ្ធផល១ទល់០ ខ្ញុំគិតថាល្បែងមិនចប់នៅឡើយទេ ហើយខ្ញុំមិនគិតថាជ័យជម្នះ៣ទល់១នេះក៏ជាលទ្ធផលទទួលបានរួចរាល់នោះដែរ។ នៅមានជើងទី២ទៀត ដែលយើងត្រូវលេងហើយមិនត្រូវប្រហែស ដោយសារតែវាជារឿងមួយផ្សេងទៀត ហើយខ្ញុំដឹងថាយើងនឹងលំបាកខ្លះៗ”។
“យើងលេងបានល្អក្នុងការលក្ខណៈសហការជាក្រុម ។ វាគឺជាជ័យជម្នះដែលយើងរំពឹងទុក យើងរីករាយនឹងលទ្ធផលហើយពេញចិត្តចំពោះវា។ យើងមានបុគ្គលិកលក្ខណៈមួយ ហើយ អ្នកគាំទ្រគឺជាតួអង្គសំខាន់ ឲ្យយើងឈ្នះការប្រកួតនេះ“៕
សូមបញ្ជាក់ផងដែរ បីគ្រាប់របស់ស្ដេចសរកបានដោយ Ronaldo ២គ្រាប់នាទី៤៥និង៨៣ខណៈ Marcelo រកបាននៅនាទី៨៦។ មួយគ្រាប់របស់PSG រកបានដោយ Raboit នាទី៣៣៕
