ប្រភពពីអេស្ប៉ាញបាននិយាយថា Real Madrid មិនត្រឹមតែចាប់អារម្មណ៍ចង់បាន Eden Hazard ពី Chelsea ប៉ុណ្ណោះទេប៉ុន្តែក្លឹបយក្សមួយនេះក៏ចង់បានខ្សែបម្រើ N’Golo Kante ផងដែរ។
ក្រុមស្ដេចសបានដឹងថាការចុះកុងត្រាយកកីឡាករល្បីៗក្នុងក្នុងសប្ដាហ៍នេះហាក់ស្ងប់ស្ងាត់។ ព័ត៌មានជាច្រើនបានចុះផ្សាយហូរហែរហើយអ្នកគាំទ្រ Real Madrid ក៏បានដឹងពីការចង់បាន Hazard យកទៅជំនួស Ronaldo រយៈពេលយូរដែរ។
លោក Zidane បានមើលឃើញថាកីឡាករសញ្ជាតិបែលហ្សិកមានទម្រង់លេងស្រដៀង Ronaldo ទាំងស្ដាយ៍លេង និងបុគ្គលិកលក្ខណៈ ដែលគេរំពឹងថាអាចសាកសមជាមួយនឹងរជ្ជកាល Galatico របស់ Real Madrid។ តែគោលបំណងនេះមិនមែនតែHazard ម្នាក់នោះទេគឺពួកគេចាប់អារម្មណ៍ចង់បានមិត្តរួមក្រុមKante។ កាសែតអេស្ប៉ាញ El Confidencial បានរាយការណ៍ថាគ្រូបង្វឹកសញ្ជាតិបារាំងបានស្នើសុំប្រធានក្លឹបលោក Perez ដាក់សំណើខ្សែបម្រើសញ្ជាតិបារាំង។
តោខៀវនឹងបិទរាល់សំណើទាំងអស់ចំពោះ Kane ខណៈអតីតខ្សែបម្រើ Leicester City រូបនេះបង្ហាញទម្រង់លេងល្អទៅៗចាប់តាំងពីប្ដូរមកលេងនៅកីឡដ្ឋាន Stamford Bridge៕
