គ្រូបង្វឹកក្រុមបិសាចក្រហម Manchester United លោក Jose Mourinho ចង់ស៊ីញេកុងត្រាយកកីឡាករចំនួន៣នាក់លេងក្នុងដំណែងបីផ្សេងគ្នា អំឡុងទីផ្សារដោះដូរកីឡាករក្នុងខែមករានេះ។ នេះបើតាមប្រភព MailOnline បានបញ្ជាក់។
គ្រូបង្វឹកសញ្ជាតិព័រទុយហ្គាល់ កំពុងពង្រឹងក្រុមកីឡាកររបស់លោក ក្នុងរយៈពេលប៉ុន្មានសប្ដាហ៍នេះ ហើយលោកក៏បានកំណត់អត្តសញ្ញាណកីឡាករលេងក្នុងតំបន់ណាមួយលើទីលាន ដែលគាត់ចង់បានបំផុតហើយកីឡាករនោះ ត្រូវតែជាកីឡាករទិញចូលថ្មី។
ប្រភពភ្នាក់ងារកីឡាកររបស់ក្លឹបបានបង្ហើបថា United នឹងស៊ីញេកុងត្រាយកខ្សែការពារស្លាបស្ដាំម្នាក់ ខ្សែការពារស្លាបឆ្វេងម្នាក់ និងទី៣គឺខ្សែបម្រើប្រយុទ្ធម្នាក់ទៀត។កីឡាករលេងក្នុងដំណែងទាំងបីនេះហើយដែលអតីតគ្រូបង្វឹក Chelsea ចង់បានបំផុត។
ចុះប្រិយមិត្តគិតថាកីឡាករណាខ្លះ ដែលលេងក្នុងតំបន់ទាំងនេះអាចសាកសមនឹងManchester United ហើយត្រូវជាមួយទស្សនវិជ្ជាដឹកនាំរបស់លោក Jose Mourinho? បញ្ចេញមតិយោបល់ខាងក្រោមនេះ៖
