លោក Hector Cuper គ្រូបង្វឹកជម្រើសជាតិអេហ្ស៊ីបបាននិយាយថា សមត្ថភាពរបស់ Mohamed Salah ល្មមគ្រប់គ្រាន់អាចនឹងក្លាយជា Star នៅ Real Madrid ។
Salah វ័យ២៥ឆ្នាំកំពុងបង្ហាញទម្រង់លេងល្អនៅ Liverpool ក្នុងរដូវកាលនេះ ដោយរកបានគ្រាប់បាល់២១គ្រាប់ឲ្យក្លឹបគ្រប់ពានរង្វាន់។ មិនទាន់បានមួយរដូវកាលស្រួលបួលផងរូបគេមានទំនាក់ទំនង ផ្ទេរទៅលេងនៅអេស្ប៉ាញពិសេសក្លឹបយក្ស Real Madrid ហើយគ្រូបង្វឹកក្រុមអេហ្ស៊ីបថា Salah អាចក្លាយជាតារានៅកីឡដ្ឋាន Santiago Bernabue។
“គ្មានមន្ទិលណាមួយដែលថាគាត់ (Salah)មិនអាចក្លាយជាតារារបស់ក្រុមនោះទេ ប៉ុន្តែអ្វីដែលគាត់ជួយយើងក្នុងព្រឹត្តិការណ៍ជម្រុះ World Cup 2018 បានបញ្ជាក់ច្បាស់ហើយ “Cuper និយាយក្នុងកាសែត MARCA។
“Salah គឺជាកីឡាករល្អដែលមានសមត្ថភាពលេងនៅ Real Madrid ដោយគ្មានបញ្ហា”។
បន្ថែមពីលើការរកបាន២១គ្រាប់, Salah ក៏បញ្ជូនបាល់ឲ្យមិត្តរួមក្រុមបាន៦ដងក្នុងចំណោម២៧ប្រកួតគ្រប់កម្មវិធីប្រកួត៕
