Mauricio Pochettino បានឆ្លើយតបទៅនឹងការរិះគន់របស់អ្នកគាំទ្រថា Tottenham មិនមែនជាក្រុមដែលមានកម្រិតនៃការលេងដូច Real Madrid ឬ Bacelona នោះទេ។
បន្ទាប់ពីបញ្ចប់ការប្រកួត Spursធ្វើបានត្រឹមស្មើ ១ – ១ ជាមួយ Watford ហើយលទ្ធផលនេះ ក៍ផ្ទុះការរិះគន់ជាច្រើនពីការដឹកនាំក្រុមលេងមិនបានល្អធ្វើឲ្យ Tottenham ចាញ់ពិន្ទុក្រុមកំពូលតារាង Machester City រហូតដល់ ១៨ ពិន្ទុនឹងចាញ់ក្រុមលេខ ២ Manchester United ១០ ពិន្ទុ។
លោក Pochettinoបាននិយាយឆ្លើយតប់ទៅកាន់អ្នករិះគន់ដូច្នេះ៖” យើងតែងតែចង់ឈ្នះគ្រប់ការប្រកួត តែលទ្ធផលមិនដូចអ្វីដែលយើងបានគិតនោះទេ ព្រោះក្រុមរបស់យើងនៅមានកម្រិតនៅឡើយ។”
“ប្រសិនបើយើងជា Bacelona ឬ Real Madrid យើងអាចឈ្នះការប្រកួត ឈ្នះហើយឈ្នះទៀត ឈ្នះជាច្រើនប្រកួតជាប់គ្នាតែយើងជា Tottenham យើងឈ្នះការប្រកួត ២ ឬ ៣ ប្រកួតជាប់គ្នាចាត់ទុកថាជាការធ្វើបានល្អបំផុតរស់ក្រុមយើងហើយ”៕
