ប្រភពពីកាសែតបារាំង ‘Le10Sport’, Benzema បានក្លាយជាគោលដៅរបស់ Paris Saint-Germain ដើម្បីយកមកជំនួសEdinson Cavani ឬក៏ Neymar ដែលនឹងអាចចាកចេញពីរដ្ឋធានីប៉ារីសពេលចប់រដូបកាលនេះ។
លើសពីនេះ Benzema ក៏មានក្លឹបមួយចំនួនទៀតនៅបារាំងទាក់ទងទៅលេងវិញផងដែរ ដោយមានដូចជា៖ អតីតក្លឹបរបស់គេ Lyon, Marseille និង Monaco។ កីឡាករបារាំងវ័យ៣០ឆ្នាំរូបនេះ ក្លាយជាកីឡាករស្ថិតនៅក្រៅបេះដូងអ្នកគាំទ្រReal Madrid ហើយរូបគេមានអារម្មណ៍ទទួលបានការយកចិត្តទុកដាក់តែលោក Zidane ម្នាក់ប៉ុណ្ណោះនៅ Real Madrid។
Benzema មិនបានជ្រើសរើសឲ្យចូលលេងក្នុងជម្រើសជាតិបារាំង ចាប់តាំងពីមានបញ្ហាជាមួយមិត្តរួមក្រុម Mathiue Valbuena ប៉ុន្តែរូបគេមានទំនុកចិត្តថាការត្រឡប់ទៅបារាំងវិញអាចបង្ខំឲ្យលោក Didier Deschamp គិតពីការដាក់ចូលជម្រើសជាតិ និងមានទំនាក់ទំនងល្អឡើងវិញ៕
