Zinedine Zidane ចង់បន្ថែមកីឡាករចូលថ្មីទៅក្នុងក្រុមកីឡាករដែលមានស្រាប់របស់លោក ក្នុងខែមករាខាងមុខ ហើយគ្រូបង្វឹកសញ្ជាតិបារាំងចង់បានកីឡាករវ័យក្មេងដើម្បីសាងសង់អនាគត់របស់ក្លឹប។ តាមការបញ្ជាក់របស់ Mirror, Anthony Martial គឺជាគោលដៅរបស់ Real Madrid។
Zidane ធ្លាប់បានបង្ហាញពីគោលការណ៍ដឹកនាំរបស់លោកថា មិនចង់បានកីឡាករវ័យក្មេងនិងល្បឿនលឿន ដើម្បីបញ្ជូលទៅក្នុងក្រុមកីឡាកររបស់លោក ចាប់តាំងពីមកដឹកនាំ Real Madrid ដំបូងហើយបន្ទាប់ពីភាពរអាក់រអួលនៅដើមរដូវកាលនេះគាត់ចាប់ផ្ដើមផ្លាស់ប្ដូរគោលដៅនេះហើយរកកីឡាករថ្មីនៅខែមករា។
Cristiano Ronaldo និង Karim Benzema មានវ័យ៣២និង២៩ឆ្នាំទៅហើយដែលវ័យនេះនឹងធ្វើឲ្យទម្រង់ធ្លាក់ចុះផងដែរ។ កីឡាករវ័យ២១ឆ្នាំគឺជាជម្រើសល្អបំផុតសម្រាប់សាងសង់តំបន់ប្រយុទ្ធរបស់ Real។ Martial ដែលជាមិត្តរួមជាតិរបស់Mbappe បានទាក់ទាញ Real Madrid ឲ្យចុះកុងត្រារដូវកាលមុនហើយបានបដិសេធទៅលេងនៅ PSG ។
កីឡាករដែលសាកសមចំពោះការចង់បានរបស់ Zidane កំពុងស្វែងរក, Martial នៅតែមិនអាចធានារកកៅអីជម្រើសដំបូងនៅ Manchester United។ Real Madrid ចង់សាកល្បងរកដំណោះស្រាយឲ្យ Manchester United ដោយរៀបចំកញ្ចប់ទឹកប្រាក់៨០លានផោនដេញថ្លៃយកកីឡាករវ័យក្មេងសញ្ចាតិបារាំង។
ដោយការប្រកួតប្រជែងជាមួយRomelu Lukaku, Marcus Rashford និង Zlatan Ibrahimovic ក្នុងតំបន់ប្រយុទ្ធ, Martial នៅតែបង្ហាញទម្រង់លេងល្អបើទោះបីជានាទីលេងមានកំណត់ ដោយរកបាន៥គ្រាប់ក្នុងចំណោម៥ប្រកួតក្នុងជម្រើស១១នាក់។ រូបគេនៅតែជាខ្សែប្រយុទ្ធដ៏ល្អម្នាក់ចាប់តាំងពីមកចូលរួមជាមួយបិសាចក្រហមកាលពីឆ្នាំ ២០១៥៕
