អតីតខ្សែប្រយុទ្ធលេងនៅ Premier League, Mido បាននិយាយសរសើរពីភាពមុតស្រួចរបស់ Mohamed Salah ដោយនិយាយថា ទម្រង់លេងរបស់កាត់ល្អយ៉ាងនេះគេចមិនផុតពីក្រុមលំដាប់កំពូលចង់បាននោះទេ។
Salah កំពុងតែបង្ហាញថ្វីជើងល្អបំផុតនៅដើមរដូវកាលនេះ ក្នុងទឹកដី Anfield ដោយរកបាន១៤គ្រាប់ និងបញ្ជូនបាល់បាន៤គ្រាប់ក្នុងការប្រកួត១៨ដងឲ្យហង្សក្រហមគ្រប់ពានរង្វាន់។ ទម្រង់លេងនៃការរកគ្រាប់បាល់ដ៏ល្អបែបនេះ គឺបានក្នុងការប្រកួតនាចុងសប្ដាហ៍នីមួយៗ។ កីឡាករអេហ្ស៊ីបរកបាន២គ្រាប់ទល់នឹង Southampton កាលពីថ្ងៃសៅរ៍សប្ដាហ៍មុន ធ្វើឲ្យរូបគេក្លាយជាកីឡាកររកគ្រាប់បាល់បានច្រើនជាងគេនៅ Premier League។
កីឡាករវ័យ២៥ឆ្នាំបង្ហាញទម្រង់លេងបែបនេះ កំពុងតែដាស់ក្លឹបធំៗមួយចំនួនឲ្យចាប់អារម្មណ៍ ខណៈអតីតខ្សែប្រយុទ្ធ Mido ដែលជាជនជាតិអេហ្ស៊ីបលេងក្នុង Premier Leaguer យូរមកហើយនោះ បានសរសើរក្នុងបណ្ដាញសង្គម Twitter របស់ខ្លួនថា ទម្រង់លេងបែបនេះពិតជាមិនយូរទេ ខ្សែប្រយុទ្ធស្លាបល្បឿនលឿន នឹងអាចចេញពី Liverpoolទៅលេងនៅក្លឹបធំជាងនេះមិនខាន។
អតីតខ្សែប្រយុទ្ធលេងក្នុងក្លឹបនៅអឺរ៉ុបមិនតិចជាង១២ក្លឹប បានសរសេរក្នុងបណ្ដាញសង្គមរបស់ខ្លួនថា៖” អបអរសាទរ Mohamed Salah ដែលបានក្លាយជាកីឡាករអេហ្ស៊ីប រកគ្រាប់បាល់បានច្រើនជាងគេក្នុងទ្វីបអឺរ៉ុប ហើយនៅមានកំណត់ត្រាជាច្រើនទៀតដែលត្រូវការគាត់បំបែក។ ខ្ញុំចាំថាអ្នកគាំទ្រ Liverpool ធ្លាប់សើចចំអកឲ្យខ្ញុំ ពេលដែលខ្ញុំនិយាយកាលពី៣ឆ្នាំមុនថា Salah ល្អជាង Sterling ១០ដង។ ប៉ុន្តែពេលនេះពួកគេបានដឹងហើយថា ខ្ញុំនិយាយពិតជាត្រឹមត្រូវ។”
بركاتك يا ميدو… “رحيل صلاح لريال مدريد” يحتل عناوين الصحف العالمية 👇😅https://t.co/84Xfzrmmup
@22mosalah @midoahm
via @BleacherReport & @SportsJOE_FC #كورابيا #عيش_الكورة pic.twitter.com/WBPRbhB7pp— Korabia (@KorabiaEG) November 20, 2017
“ គោលគំនិតរបស់ Salah គឺរក្សាទម្រង់លេងដល់កម្រិតកំពូលរបស់ខ្លួនជាច្រើនឆ្នាំទៀត នេះគឺជាអ្វីដែលជនជាតិអេហ្ស៊ីប ភ្លេចគិតពេលទៅលេងនៅអឺរ៉ុប។ ខ្ញុំជឿថា Salah នឹងមិននៅ Liverpool យូរនោះទេ ឆាប់ៗនេះគាត់នឹងទៅលេងនៅ Real Madrid មិនខាន”៕
