David De Gea, Antonio Valencia, Paul Pogba និង Henrikh Mkhitaryan មានឈ្មោះក្នុងបញ្ជីបេក្ខភាពទាំង៥០នាក់ដំបូងល្អជាងគេក្នុងការប្រកួតពានរង្វាន់ទ្វីបអឺរ៉ុបប្រចាំឆ្នាំ២០១៧ ខណៈទម្រង់លេងត្រូវបានពិនិត្យ និងតាមដានក្នុងការប្រកួតជាមួយក្លឹប និងជម្រើសជាតិ។
តាមពិតទៅ! Pogba មានឈ្មោះជាម្ចាស់ជ័យលាភីកីឡាករល្អជាងបំផុតក្នុងពានរង្វាន់ Europa League ក្រោយពេលក្លឹបបិសាចក្រហមបានលើកពាននេះកាលពីរដូវកាលមុន។ Henrikh Mkhitaryan បានចូលលេងស្ទើតែគ្រប់ការប្រកួត ក្នុងពានលំដាប់អឺរ៉ុបមួយនេះ បន្ទាប់ពីប្ដូរមកពីក្លឹប Burussia Dortmund ស្របពេលប្រធានក្រុម Antonio Vencia រក្សាដំណែងខ្សែការពារស្ដាំប្រចាំក្លឹបគ្រប់ការប្រកួត និងដឹកនាំក្រុមបានល្អក្នុងនាមជាប្រធានក្រុម។
ចំណែក De Gea វិញ លើកនេះគឺជាឱកាសសម្រាប់បង្ហាញពីការមានឈ្មោះក្នុងពានរង្វាន់នេះ ស្របពេលមជ្ឈដ្ឋានខាងក្រៅចាត់ទុកថាជាអ្នកចាំទីល្អជាងម្នាក់ក្នុងពិភពបាល់ទាត់។
ប្រិយមិត្តអាចចូលជ្រើសរើសក្រុម១១នាក់ល្អបំផុត ដែលប្រិយមិត្តពេញចិត្តក្នុងវេបសាយផ្លូវការរបស់ UEFA ខណៈកីឡាករទាំង៥០នាក់សុទ្ធតែជាកីឡាករបង្ហាញទម្រង់លេងល្អក្នុងការប្រកួតជាមួយក្លឹបនឹងជម្រើសជាតិ។
ប្រិយមិត្តអាចចុចទីនេះដើម្បីជ្រើសរើសក្រុមដែលពេញចិត្ត៖
