លោក Zinedine Zidane បានមើលការប្រកួតដែល Ronaldo ស៊ុតបញ្ចូលទី៤គ្រាប់ទល់នឹងក្រុម Girona កាលពីយប់មិញហើយលោកជឿថា តារាបាល់ទាត់របស់ Real Madrid នេះមិនមែនមកពីភពផែនដីនេះទេ។
ក្រោយចប់ការប្រកួតគ្រូបង្វឹកសញ្ជាតិបារាំងបានពណ៌នាពី Cristiano Ronaldo ថា” មកពីភពផ្សេង”ក្រោយជួយ Real Madrid ឈ្នះដល់ទៅ៦ទល់៣។ តារារបស់ព័រទុយហ្គាល់រកបានបួនគ្រាប់នេះ គឺជាគ្រាប់បាល់ Hat-Trick ទី៥០ហើយក្នុងអាជីពរបស់គាត់ ហើយលេងត្រឹមតែ១១ប្រកួតចុងក្រោយរកបានដល់ទៅ២១ប្រកួតឯណោះគិតគ្រប់កម្មវិធីប្រកួត។
Zidane បាននិយាយទៅទូរទស្សន៍ Madridsta TV ថា៖ “គាត់មកពីភពផ្សេង វាជាការពិត។ វាពិតជាល្អណាស់សម្រាប់យើង(Real Madrid )និងគាត់។ក្រុមទាំងមូលគឺល្អ។ គាត់គ្រប់គ្រងការប្រកួតជាមួយនឹងថាមពល”៕
