ខ្សែបម្រើស្លាបរបស់ Chelsea កីឡាករ Willian បានបង្ហាញក្ដីស្រមៃរបស់ខ្លួនចង់ទៅលេងនៅក្លឹបណាមួយក៏បានរវាង Real Madrid និង Barcelona។
កីឡាករវ័យ២៩ឆ្នាំហាក់មិនសូវបានលេងពេញលេញក្រោមការដឹកនាំរបស់លោក Antonio Conte ក្នុងរដូវកាលនេះ ទោះបីជាកីឡាករប្រេស៊ីលរូបនេះជា Man of The Match ក្នុងការប្រកួតដែលតោខៀវឈ្នះ Hull City ក្នុងលទ្ធផល៤ទល់០ក៏ដោយ។
Manchester United ធ្លាប់បង្ហាញចំណាប់អារម្មណ៍ចង់ចុះកុងត្រាយកWillian តាំងពីលោក Jose Mourinho មកដឹកនាំកាលពីដំបូងម្ល៉េះប៉ុន្តែកីឡាករប្រេស៊ីលបានទម្លាយថាបេះដូងរបស់គេ បានផ្ដោតសំខាន់ទៅលើក្លឹបនៅ La Liga បាត់ទៅហើយ។
និយាយក្នុងបទសម្ភាសន៍ជាមួយប៉ុស្តិ៍ YouTube Resenha Delas, Willian ត្រូវបានគេសួរថាតើក្លឹបណា ដែលស្ថិតក្នុងក្ដីស្រមៃរបស់លោក គាត់ក៏បាននិយាយថា Real Madrid ក៏បាន Barcelona ក៏បាន។
“ខ្ញុំគិតថាពួកគេជាក្លឹបធំជាងគេបំផុតក្នុងពិភពលោក Real Madrid និង Barcelona។ ពួកគេជាក្លឹបដែលមានទស្សនវិស័យច្បាស់លាស់។ កីឡាកររូបណាក៏ចង់លេងឲ្យក្លឹបតាំងពីរនេះដែរ ។ពិតណាស់ក៏បានក្លឹបដ៏អស្ចារ្យដទៃទៀត ដែរដូចជាក្លឹបខ្ញុំកំពុងលេង Chelsea ក្លឹប PSG និងក្លឹបជាច្រើនទៀត”។
“ ប៉ុន្តែក្លឹបទាំងពីរនេះខុសពីគេ គឺក្លឹបដែលមនុស្សគ្រប់គ្នាចង់លេងឲ្យ។ពេលខ្លះខ្ញុំត្រូវគិត ត្រូវត្រឡប់ទៅលេងឲ្យ Corinthians វិញ។ខ្ញុំគួរតែបញ្ចប់អាជីពនៅទីនោះយ៉ាងហោចណាស់លេងបានមួយឆ្នាំទៀតចូលនិវត្តន៍តែម្ដង”៕
[youtube id=”WiO-ptU_Kq8″]
