ក្រោយពេល Manchester United ឈ្នះល់ក្រុម Bournemouth ក្នុង Premier League អ្នកជំនាញរបស់ទូរទស្សន៍ BT Sport និងជាវីរបុរសរបស់ក្រុមបិសាចក្រហម Paul Scholes បានផ្ដល់ដំបូន្មានខ្លះៗមានការផ្លាស់ប្ដូរតិកនិកលេងរបស់លោកJose Mourinhoគឺ ដក Alexis Sanchez ចេញពីជម្រើសដំបូងសិន។
Manchester United នឹងត្រូវប្រឈមមុខជាមួយTottenham នៅថ្ងៃសៅរ៍នេះក្នុងពានរង្វាន់ FA Cup វគ្គពាក់កណ្ដាលផ្ដាច់ព្រ័ត្រ។ ខណៈដែលចង់ឲ្យអតីតក្រុមរបស់ខ្លួនបានលើកពាននេះម្ដងទៀត Scholes បាននិយាយ និងផ្ដល់យោបល់ខ្លះៗទាក់ទងនឹងលោក Jose Mourinho។
“ខ្ញុំគិតថាការសម្រេចចិត្តដ៏ធំមួយថាតើនរណានឹងលេងសងខាង Romelu Lukaku។សម្រាប់ខ្ញុំ Rashford និង Martial ប៉ុន្តែខ្ញុំគិតថាគាត់(Mourinho)នឹងដាក់ Sanchezគាំទ្រពីក្រោយ”។
“ខ្ញុំមិនគិតថាទម្រង់លេងរបស់គាត់មិនល្អគ្រប់គ្រាន់នោះទេ។ខ្ញុំគិតថា នេះគឺជាការព្យាករណ៍ជាក់លាក់មួយ។ យើងគ្រាប់គ្នាបានដឹងពីទេពកោសល្យដែលគាត់មាន។ តាមពិតទៅ! នៅកន្លែងនោះត្រូវតែមានកីឡាករជាក់លាក់មួយសម្រាប់លេងនៅទីនោះ ប៉ុន្តែនៅManchester United គាត់(Sanchez)មិនទាន់បានបង្ហាញអ្វីនៅឡើយទេ។ ខ្ញុំគិតថា Martial និង Rashford ជាជម្រើសប្រសើរជាង”។
អនាគតរបស់Anthony Martial នៅOld Trafford ហាក់មិនមានភាពច្បាស់លាស់សោះបន្ទាប់ពីគាត់ត្រូវអង្គុយកៅអីមើលមិត្តរួមក្រុមលេង។កីឡាករបារាំងមានទំនាក់ទំនងជាមួយក្លឹបមួយចំនួនរួមមាន Barcelona, Juventus និង Real Madrid ៕
