ក្លឹបបិសាចក្រហម Manchester United ចង់បានសម្រេចកិច្ចព្រមព្រៀងឲ្យរួចរាល់ជាមួយតារាបាល់ទាត់របស់ក្លឹប Atletico Madrid កីឡាករ Antoine Griezmann ដោយហ៊ានឲ្យប្រាក់ឈ្នួលខ្ពស់បំផុតក្នុងប្រវត្តិសាស្ត្រ Premier League។
កីឡាករសញ្ជាតិបារាំង ប៊ិះនឹងបានមកលេងនៅ Old Trafford ទៅហើយកាលពីរដូវកាលមុន ប៉ុន្តែរូបគេត្រូវបំពេញកាតព្វកិច្ចត្រូវបន្តនៅអេស្ប៉ាញ ដោយសារក្លឹបចាប់បម្រាមមិនឲ្យទិញដូរកីឡាករ។ តម្លៃផ្ដាច់កុងត្រារបស់កីឡាករបារាំងរូបនេះគឺ៩២លានផោនប៉ុន្តែវាកើនឡើងដល់រដូវកាលក្រោយទាំងក្លឹប Barcelona និង Manchester United សុទ្ធតែរំពឹងថាអាចនាំយកមកផ្ទះរៀងខ្លួនមុនពេលតម្លៃឡើងជាងនេះ។
Manchester United បានបង្កើតគម្រោងទិញយក Girezmann ជាបន្ទាន់ដោយសារតែខ្សែប្រយុទ្ធនាំមុខ២រូបរបស់ក្លឹបគឺ Romelu Lukaku និង Zlatan Ibrahimovic របួសសារជាថ្មីហើយគ្មានកីឡាករដំណែងលេខ៩ណាម្នាក់ជំនួស។ Jose Mourinho បានស្នើសុំថ្នាក់ដឹកនាំ Man Utd ឲ្យទិញ Griezmann ហើយក្លឹបមានបំណងឲ្យប្រាក់ឈ្នួលក្នុងតម្លៃខ្ពស់បំផុតគឺ៣សែនផោនក្នុងមួយសប្ដាហ៍។
តម្លៃនេះនឹងលើសប្រាក់ឈ្នួលរបស់មិត្តរួមក្រុមសញ្ជាតិបារាំង Paul Pogba ដែលកំពុងកាន់កាប់ប្រាក់ឈ្នួល ២៩០០០០ផោនហើយបើមកអង់គ្លេសមែន Griezmann នឹងមានប្រាក់ឈ្នួលខ្ពស់បំផុតក្នុងប្រវត្តិសាស្ត្រ Premier League។
Lukaku ត្រូបបានគេដឹងថានឹងខកខានលេងបាល់២សប្ដាហ៍ហើយ Ibrahimovic ក៏មិនរំពឹងថាត្រឡប់មកវិញរហូតដល់ខែកុម្ភៈដោយសាររបួសជង្គង់រើឡើងវិញ៕
