Sergio Ramos បានសង្កត់ធ្ងន់ពីសារសំខាន់នៃជំនួប El Clasicoដោយនិយាយថាម្ចាស់ការពារដំណែងជើងឯក Real Madrid មានកាតព្វកិច្ចត្រូវឈ្នះ Barcelonaជាងពេលណាៗទាំងអស់ ខណៈដែលក្លឹបមានមូលដ្ឋាននៅទឹកដី Catalan កំពុងរក្សាដំណែងកំពូលតារាង La liga។
Real Madrid ត្រូវទទួលស្វាគមន៍ Barcelona ក្នុងកីឡដ្ឋាន Santiago Bernabeu នៅថ្ងៃសៅរ៍នេះ ស្របពេលដែលម្ចាស់ផ្ទះត្រូវតាមពីក្រោយក្រុមភ្ញៀវ១១ពិន្ទុ។ ក្រុមរបស់ Ramos នៅចំណេញមួយប្រកួតក្នុងដៃដូច្នេះ ហើយប្រធានក្រុមម្នាក់នេះបានជឿថាការឈ្នះក្នុងជំនួបលើកនេះគឺពិតជាសំខាន់បំផុតជាងគេពេលណាទាំងអស់
“វានឹងក្លាយជាការប្រកួតដ៏អស្ចារ្យ។ គ្មានពាក្យណាមកបរិយាយជំនួបនេះបានទេ។ពេលនេះវាមានសភាពខុសគ្នាហើយវាគឺជាការប្រកួតដែលសំខាន់បំផុតក្នុងពិភពលោក“។ Ramos និយាយក្នុងពិធីទទួលការឧបត្ថម្ភរបស់ក្រុមហ៊ុនមួយ។
“យើងចង់ឈ្នះខ្លាំងជាងពេលណាទាំងអស់ បើយើងមើលទៅលើស្ថានភាពដែលពួកយើងកំពុងនៅ ថាតើយើងនៅមានឱកាសសល់ដើម្បីប្រជែងយកពាន La liga។ យើងកំពុងស្ថិតក្នុងទម្រង់លេងដ៏ល្អមួយ ហើយយើងបានឈ្នះពាន FIFA Club World Cup ដែលវាតែងតែសាកសមទៅនឹងកម្រិតទស្សនវិជ្ជារបស់ពួកគេ។ ពួកយើងពិតជាចង់លេងហើយធ្វើការធ្ងន់នៅសប្ដាហ៍នេះ ដូច្នេះហើយ យើងអាចទទួលបានបីពិន្ទុ ដែលអនុញ្ញាតឲ្យយើងនិយាយថា ខិតជិតតាមទាន់ក្រុមដែលនៅលើយើង“៕
