ខ្សែប្រយុទ្ធ Real Madrid កីឡាករ Cristiano Ronaldo បានប្រាប់គ្រូបង្វឹកលោក Zinedine Zidane ឲ្យដកមិត្តរួមក្រុមពេលលេងជាមួយ PSG ក្នុង Champions League យប់នេះ។
តាមប្រភពកាសែតអេស្ប៉ាញ Ronaldo ចង់ឲ្យ Zidane ធីបទុក Isco សិនដោយគាត់ជឿថាខ្សែបម្រើសញ្ជាតិអេស្ប៉ាញ បង្ហាញទម្រង់លេងយឺតពេកហើយផ្ដល់ឱកាសឲ្យ Marco Asensio ឬក៏ Lucas Vazquez ជំនួសវិញ។
ម្ចាស់ជើងឯកអឺរ៉ុបនឹងត្រូវទទួលភ្ញៀវPSG នៅវគ្គ១៦ក្រុមចុងក្រោយ Champions League នៅកីឡដ្ឋាន Santiago Bernabeu នៅយប់នេះហើយ Ronaldo ចង់ឲ្យក្លឹបបន្តដំណើរទៅកាន់វគ្គក្រោយៗទៀត ពីព្រោះក្លឹបបានបាត់ឱកាសប្រជែងពាន Copa del Rey និងតាមពីក្រោយ Barca ១៧ពិន្ទុ។
Ronaldo ទើបរកបានបីគ្រាប់ម្នាក់ឯងកាលពីចុងសប្ដាហ៍មុន ជាមួយ Real Sociedad ហើយសង្ឃឹមថានឹងបង្ហាញទម្រង់លេងពេល Real Madrid ទទួល PSG នៅកីឡដ្ឋាន Bernabeu ៕
