ជំនួប El Clasico នឹងមកដល់នៅថ្ងៃស្អែកនេះហើយយើងក៏មិនអាចគិតរកព័ត៌មានណា ដែលប្រសើរជាងប្រមូលផ្ដុំកីឡាករ Real Madrid ១១នាក់ និង Barcelona ១១នាក់ដែលគួរឲ្យស្អប់បំផុតក្នុងជំនួប El Clasicoពីអ្នកគាំទ្រទាំងសងខាង។
ឈ្មោះទាំងនេះ មិនមែនចេះតែយកមកដាក់នោះទេ គឺសិក្សាទៅលើសកម្មភាពមួយចំនួន ដែលកីឡាករធ្លាប់ធ្វើដូចជា៖ទម្រង់លេងរបស់កីឡាករ អាកប្បកិរិយា និងជំនឿនយោបាយ។ ពេលនេះយើងសូមចាប់ផ្ដើមពីក្រុមម្ចាស់ផ្ទះ Real Madrid មុនដោយយើងមាន៖
Paco Buyo អ្នកចាំទីដែលចាំបានថា គឺជាកីឡាករដែលគួរឲ្យស្អប់បំផុត ជាងអាជីពចាប់បាល់របស់គាត់។ Luis Figo គឺជាកីឡាករដែលអ្នកគាំទ្រ Barcelona ស្អប់ជាងគេបំផុត(ចាកចេញពី Barcelonaទៅលេងនៅ Real)ហើយយើងមាន Alvaro Arbeloa, Fernando Hierro, Pepe និង Sergio Ramos ដែលស្ថិតក្នុងប្រព័ន្ធការពាររបស់ Real Madrid ។ កីឡាករប៉ុន្មាននាក់ខាងលើតែងតែលេងកាច ប្រើកលល្បិចក្នុងការប្រកួត El Clasico។ Figo ជាកីឡាករដែលខាង Barcelona ស្អប់បំផុតក្នុងប្រវត្តិសាស្ត្របាល់ទាត់ Barcelona។
ក្រៅពីនេះក្នុងតំបន់បម្រើដទៃទៀតមាន Guti, Di Maria និង Pedrag Mijatovic ដែលគេដឹងថាតែងតែធ្វើឲ្យ Barcelona ពិបាក។ចំណែកចុងក្រោយនេះ តែមិនមែនចុងបំផុត គឺតំបន់ប្រយុទ្ធមាន Cristiano Ronaldo ដែលធ្វើឲ្យអ្នកគាំទ្រBarcelona ខកចិត្ត ពិសេសពេលទាត់ចូល Barcelona ហើយអបអរគ្រាប់បាល់នៅនឹងមុខអ្នកគាំទ្រនៅ Camp Nou។
និយាយពី Barcelona វិញយើងមាន អ្នកចាំទី Victor Valdesដែលអ្នកគាំទ្រ Real មិនសូវពេញចិត្តប៉ុន្មាននោះទេ។ ចំណែកក្នុងតំបន់ការពារ ខណៈដែល Madrid មាន Figo គឺ Barcelona មាន Gerrard Pigue។ ទស្សននយោបាយ សម្ដីសំដៅពីកំណើត ធ្វើឲ្យរូបគេក្លាយជាកីឡាករដែលអ្នកគាំទ្រ Real និងជម្រើសជាតិអេស្ប៉ាញស្អប់បំផុត។
Dani Alves, Abelardo, និង Jordi Alba ក៏ជាអ្នកធ្វើឲ្យគាំទ្រក្លឹបម្ខាងទៀតមិនចង់មើលដែរ។ ក្នុងតំបន់បម្រើ មាន Luis Enrigue កាលនៅជាកីឡាករ រួមជាមួយ Sergio Busquet, Pep Guardiola និង Hristo Stoichkov។
ក្នុងតំបន់ប្រយុទ្ធគឺ Luis Suarez និង Samuel Eto’o ដែលតែងតែធ្វើឲ្យអ្នកគាំទ្រ Real Madrid មិនពេញចិត្តនោះទេ។ ខាងក្រោមជាជម្រើសកីឡាករស្អប់បំផុតក្នុងប្រវត្តិសាស្រ្ត El Clasico៖
ចុះគ្រូបង្វឹកវិញតើប្រិយមិត្តគិតថាជានរណា?
ប្រភព៖101greatgoal
