អតីតខ្សែប្រយុទ្ធនិងប្រធានក្រុមReal Madrid លោក Raul Gonzalez ដែលទើបតែបញ្ចប់វគ្គគ្រូបង្វឹកកាលពីមេសាឆ្នាំមុនបានមកកាន់តួនាទីជាគ្រូបង្វឹកក្រុមយុវជនរបស់ Juvenil B ។
បើតាមប្រភព MARCA, Raul នឹងចូលរួមជាមួយអតីតក្លឹបរបស់គាត់ក្នុងរដូវក្ដៅនេះបន្ទាប់ពីបញ្ចប់ការសិក្សាគ្រូបង្វឹក។បើតាមដឹងគាត់នឹងចូលកាន់ដំណែងគ្រូបង្វឹកឈុត U16-18 របស់ Real Madrid។មានកែប្រែប្រព័ន្ធគ្រូបង្វឹកក្នុងឈុតយុវជនទាំងអស់របស់ Real ដោយលោក Alvaro Benito ដែលកាន់ដំណែងគ្រូបង្វឹក Juvenil B បច្ចុប្បន្នត្រូវឡើងទៅកាន់ Juvenil A ហើយ Guti ដែលកាន់ដំណែងយុវជន (Real Madrid Castilla)ឬ Real Madrid B។
Guti អតីតខ្សែបម្រើ Real Madrid បានបំពេញការងារបានល្អហើយបានរៀនចប់វគ្គគ្រូបង្វឹកកម្រិតខ្ពស់ ទាំងនៅក្នុងក្លឹប និងកន្លែងផ្សេង ហើយគាត់ត្រូវបានគេដឹងថាបន្តជាមួយក្លឹបទៀត ដើម្បីបំពេញចន្លោះគ្រូបង្វឹករបស់ក្លឹបដែលកំពុងខ្វះខាត។
សូមបញ្ជក់ផងដែរថា Raul រកបាន៣២៣គ្រាប់ក្នុងចំណោម៧៤១ប្រកួត អំឡុងប្រកបអាជីពបាល់ទាត់នៅក្លឹបមានមូលដ្ឋាននៅទីក្រុងម៉ាឌ្រីដ ក្រោយចាកចេញពីក្រុមយុវជនរបស់ AT. Madrid កាលវ័យកុមារ៕
