អតីតវីរបុរសក្លឹប Man Utd លោក Phil Neville បាននិយាយថាមានហេតុផលច្រើនយ៉ាងដែល Alexis Sanchez គឺជាកីឡាករសាកសមបំផុតសម្រាប់Man Utd ។
កាលពីយប់មិញព័ត៌មានចុះផ្សាយព្រោងព្រាតថា Man Utd ប្រជែងជាមួយ Man City ដេញថ្លៃយក Sanchez ក្នុងតម្លៃ២៥លានផោន។ Neville បានឃើញបែបនេះក៏បានលើកមូលហេតុ៥យ៉ាង ដែលហេតុអ្វី Man Utd ត្រូវទិញកីឡាករឈីលីរូបនេះឲ្យបានមកលេងនៅ Old trafford។
តម្លៃ៖
ភាគរយច្រើនណាស់ដែលកីឡាករជម្រើសជាតិឈីលីរូបនេះ នឹងមិនបន្តនៅ Arsenal ហើយ Neville បាននិយាយក្នុង Sky Sport ថាបើ Man Utd នឹងទិញកីឡាករម្នាក់នេះក្នុងតម្លៃ២៥លានផោនមែននោះវាពិតជាល្អណាស់សម្រាប់ក្លឹប។
គុណភាពដែល Man Utd ចង់បាន៖
United បានបរាជ័យក្នុងការនាំយក Ivan Perisic ក្នុងរដូវកាលនេះ ដែលរូបគេលេងក្នុងដំណែងប្រយុទ្ធស្លាប។ខ្ញុំគិតថាSachez ផ្ដល់ឲ្យនូវគុណភាព និងគ្រាប់បាល់ហើយនឹងគុណភាពលំដាប់ World Class ដែលគាត់ផ្ដល់ឲ្យ។
Sanchez អាចឲ្យ Man Utd ក្លាយជាក្លឹបប្រកួតប្រជែងពានកាន់តែខ្លាំង៖
“ខ្ញុំគិតថាវាប្រហែលជាភាពជោគជ័យដ៏មិននឹកស្មានដល់សម្រាប់ Man Utd ដែលទិញបានកីឡាករម្នាក់នេះ។ ប្រសិនបើក្រឡេកមើលទៅលើការទិញកីឡាករល្បីៗកាលពីមួយទសវត្សមុន គឺ Cantona ដល់កម្រិតកំពូល Van Persie បង្កភាពភ្ញាក់ផ្អើល ហើយពួកគេទាំងពីរជួយ Man Utd ឈ្នះពាន។ខ្ញុំគិតថានេះអាចនឹងស្រដៀងគ្នាបើទិញបានកីឡាករម្នាក់នេះ។
ទទួលបានកីឡាករម្នាក់ដែល Man City ចង់បានខ្លាំងបំផុត៖
“ អ្នកគាំទ្រពិតជាសប្បាយចិត្តបើក្លឹបទិញ Sanchez ពី Arsenal ខណៈដែល Man City តាមយូរមកហើយ។ វានឹងក្លាយជាការប្រកួតប្រជែងមួយដែលលើសពីការលើកពាន Premier League”។
បុគ្គលិកលក្ខណៈត្រូវជាមួយ Jose Mourinhoនិង Man Utd៖
“អត្តចរិតកីឡាករដែល Mourinho ចង់បានគឺថាប្រភេទដែលត្រូវនឹង Man Utd។ ជំនាញតែមួយគត់ មិនសុទ្ធតែជាកត្តាសំខាន់ក្នុងបញ្ជីកីឡាករចង់បាននោះទេ តែវាគឺជាលក្ខណៈទូទៅមួយ ដែលត្រូវជាមួយក្លឹបទាំង អាកប្បកិរិយា ឆន្ទៈធ្វើការធ្ងន់ ហើយប្រសិនបើអ្នកគិតពីចំណុចនេះ Sanchez មានទាំងអស់៕
វីដេអូបកស្រាយលម្អិតរបស់ Phil Neville ចុចទីនេះ
