“ ប្រសិនបើគាត់មកទីនេះ គាត់នឹងនាំផលប្រយោជន៍មកឲ្យយើងកាន់តែច្រើន” នេះជាសម្ដីខ្សែការពាររបស់ក្រុម Paris Saint-Germain កីឡាករ Marquinho កំពុងរងចាំការមកដល់របស់ Kylian Mbappe។
បន្ទាប់ពីចុះកុងត្រាយក Neymar ក្នុងតម្លៃបំបែកកំណត់ត្រាពិភពលោកតម្លៃ២២២លានអឺរ៉ូ, PSG បានបង្វែរចំណាប់អារម្មណ៍រកកីឡាករវ័យ១៨ឆ្នាំ Mbappe ដែលមានភាគរយខ្ពស់ ប្ដូរទៅលេងនៅទីក្រុងប៉ារីស។ Mbappe រកគ្រាប់បាល់បានគ្រប់កម្មវិធីប្រកួត ជួយ Monaco លើកពាន Ligue 1 ហើយឡើងដល់ Champions League វគ្គ៨ក្រុមចុងក្រោយ។
ខ្សែការពារប្រេស៊ីលបាននិយាយថា៖” គម្រោងរបស់ PSG គឺពិតជាធំណាស់ ដើម្បីសម្រេចបំណងនេះ យើងត្រូវមានកីឡាករខ្លាំង និងល្បី ពិសេសកីឡាករលំដាប់កំពូល។ គាត់គឺជាកីឡាករ ដែលបង្កើតឲ្យមានភាពខុសគ្នាជាមួយ Monaco ប្រសិនបើគាត់មកទីនេះ គាត់នឹងនាំយកផលប្រយោជន៍ជាច្រើនដល់ពួកយើង”៕
