Marcelo គឺជាមិត្តរួមក្រុមត្រូវគ្នា ចាក់ទឹកមិនលេចជាមួយ Ronaldo ហើយរូបគេក៏ជាមិត្តរួកក្រុមជម្រើសជាតិប្រេស៊ីលជាមួយ Neymar ដែរខណៈខ្សែការពារស្លាបឆ្វេងរូបនេះ បាននិយាយកីឡាករទាំងពីរមានលក្ខណៈពិសេសផ្សេងពីគ្នា។
ក្នុងឱកាសចុះកុងត្រាថ្មីកាលពីម្សិលមិញ Marceloបាននិយាយដូច្នេះ៖” ខ្ញុំធ្លាប់លេងជាមួយ Ronaldo Nazario(ប្រេស៊ីល), Ronaldinho, Van Nistelrooy ប៉ុន្តែ Cristiano Ronaldo គឺជាកីឡាករពេញលេញម្នាក់។”
ខ្សែការពារស្លាបជម្រើសជាតិប្រេស៊ីលក៏បាននិយាយពីមិត្តរួមក្រុមជម្រើស Neymar ដែលធ្លាប់លេងនៅក្លឹបគូរប្រជែងBarcelona ផងដែរថា” Neymar គឺជាកីឡាករពិបាកបំផុត ដែលខ្ញុំធ្លាប់ជួប មិនបាច់គិតច្រើនទេគឺគាត់ពិបាកបំផុតដើម្បីនឹងបញ្ឈប់គាត់។”
Marcelona បានចំណាយពេលជាង១០ឆ្នាំលេងនៅទីក្រុង Madrid ហើយរូបគេក៏បានជួយ Real ឈ្នះពានមិនតិចដែរ។ តែអ្វីដែលកីឡាកររូបនេះនិយាយពី Ronaldo កំពុងហ្វឹកហាត់នោះគឺកីឡាករព័រទុយហ្គាល់តែងតែងមកហ្វឹកហាត់មុនគេខ្លាំងជាងគេ ពិបាកជាងគេ ដែលមេរៀននេះហើយបានធ្វើឲ្យ Ronaldo ក្លាយជាកីឡាករល្អលើលោក៕
