Liverpool បានទទួលជោគជ័យក្នុងចុះកុងត្រាយកខ្សែប្រយុទ្ធកំពូលល្បឿនរបស់ក្លឹប Roma ក្នុងតម្លៃ ៣៩លានផោន ជាតម្លៃបំបែកឯកត្តកម្មរបស់ក្លឹបក្នុងកុងត្រារយៈពេល៥ឆ្នាំ។
អតីតខ្សែប្រយុទ្ធ Chelsea រូបនេះនឹងពាក់អាវលេខ១១ នៅហង្សក្រហម Liverpoolដោយខ្សែប្រយុទ្ធជម្រើសជាតិប្រេស៊ីល Roberto Firmino ប្ដូរមកពាក់អាវលេខ៩ដ៏ល្បីល្ប៉ាញរបស់ក្លឹបវិញ។ Mohamed Salahចាប់អាជីពបាល់ទាត់ដំបូងនៅក្លឹប El Mokawloonនៅប្រទេសអេហ្ស៊ីបចាប់ពីឆ្នាំ ២០១០ដល់២០១៣ហើយប្ដូរមកលេងក្លឹប Basel, Chelsea, ខ្ចីជើងទៅលេងនៅ Fiorentina, Roma ។
កីឡាករវ័យ២៥ឆ្នាំរូបនេះលេងឲ្យក្លឹប Roma របស់អ៊ីតាលីរដូវកាលមុនរកគ្រាប់បាល់បញ្ចូលទីបាន១៥គ្រាប់ ក្នុងបង្ហាញខ្លួន៣១ប្រកួត។ ចំណែកក្នុងជម្រើសជាតិអេហ្សីបវិញបាន២៩គ្រាប់ក្នុង៥៣ប្រកួត៕
