គ្រូបង្វឹកក្រុមហង្សក្រហម Liverpool លោក Jurgen Klopp គិតថា កីឡាករឆ្នើមរបស់ខ្លួនគឺ Mohamed Salah មិនមែនជាខ្សែប្រយុទ្ធនោះទេ ទោះបីជារដូវកាលនេះ គេរកបានគ្រាប់បាល់ដល់ទៅ៣២គ្រាប់ហើយក៏ដោយ។
កីឡាករសញ្ជាតិអេហ្ស៊ីបរូបនេះ រកគ្រាប់បានកាលពីសៅរ៍កន្លងទៅ ១គ្រាប់ ស៊ុតលើក្រុម Newcastle United ដែលធ្វើគេមានគ្រាប់បាល់ស្មើគ្នា និង Harry Kane ២៤គ្រាប់ដូចគ្នា ដែលជាគូប្រជែងដណ្ដើមស្បែកជើងមាសនារដូវកាលនេះ។ គ្រាប់បាល់១គ្រាប់នេះផងដែរ បានធ្វើអោយ Salah វ៉ាដាច់កំណត់ត្រាចាស់របស់ Luis Suarez ដែលធ្លាប់ធ្វើបាន៣១គ្រាប់ក្នុងមួយ រដូវកាល កាលពីឆ្នាំ២០១២។
ទោះបីជាយ៉ាងណាក៏ដោយ Klopp យល់ឃើញថា Salah គឺជាខ្សែបម្រើ។ គាត់បាននិយាយថា៖” Mo Salah គឺជាខ្សែបម្រើដ៏មានឱទ្ធិពលម្នាក់ គេមាននិស្ស័យខាងស៊ុតបញ្ចូលទី។ខ្ញុំពិតជាស្រឡាញ់គ្រាប់បាល់របស់គេទាំងអស់។ ខ្ញុំស្រឡាញ់កីឡាករម្នាក់នេះ។ គេធ្វើបានល្អខ្លាំងណាស់ ប៉ុន្ដែកីឡាករទាំងអស់នៅក្នុងក្រុមសុទ្ធតែមានសារៈសំខាន់ស្មើៗគ្នា”៕
Besoccer
