Jurgen Klopp គ្រូបង្វឹកក្រុម Liverpool បាននិយាយថា Man City នឹងគ្មាននរណាអាចតាមទាន់នោះទេ ក្នុងរដូវកាលនេះប៉ុន្តែពិតជាសប្បាយក្រៃលែងហើយ បើក្រុមរបស់គាត់បានត្រឹមលេខ៤ក្នុងតារាងចំណាត់ថ្នាក់ Premier League។
ក្នុងការប្រកួតកាលពីយប់មិញ ក្រុមរបស់លោកបានយកឈ្នះក្រុម Bournemouth ៤ទល់០ដោយការរកគ្រាប់បាល់បានពី Philippe Coutinho, Mohamed Salah, Dejan Lovren និង Roberto Firmino ហើយក្រុមរបស់លោកឡើងមកលេខ៤ក្នុងតារាងបណ្ដោះអាសន្ន។
បើនិយាយពីពិន្ទុវិញគឺហង្សក្រហមតាមក្រុម Man City ដល់ទៅ១៨ពិន្ទុ ប៉ុន្តែ Klopp ពិតជាសប្បាយចិត្ត ជាមួយនឹងទម្រង់លេងរបស់កូនក្រុមរបស់លោក ខណៈគាត់ត្រឹមតែគិតថា Top4 នេះគឺប្រពៃហើយ ដើម្បីរក្សាកៅអីលេង Champions League រដូវកាលក្រោយ។
“ តើ City មាននរណាអាចចាប់បានទេ? ខ្ញុំក៏អត់ដឹងដែរ។ ខ្ញុំមិនមានបាល់ Crystall ទេ តែបើពួកគេពិតជាល្អហើយ។ មានក្រុមជាច្រើនសុទ្ធតែមុតស្រួច ប៉ុន្តែ City ឈ្នះរហូតក្នុងការប្រកួតកន្លងមក។ យើងមានការប្រកួតជាច្រើនទៀត មិនរំពឹងតែលីកមួយមុខនោះទេ។ វាពិតជាពិបាកខ្ញុំពិតជាចង់ឈ្នះពាន League នេះ វាពិតជាមិនគួរឲ្យជឿថា ដែលអ្នកត្រូវការពិន្ទុទាំងអស់រហូតដល់ចប់រដូវកាល ដើម្បីឈ្នះពាន”៕
