យើតាមប្រភពសិក្សាថ្មីដោយ Comunica es Ganar ដែលស្រាវជ្រាវចេញពីឯកសារនិងប្រភពគួរឲ្យទុកចិត្តបានជាង១០០ច្បាប់និង១០ប្រភេទផ្សេងគ្នា Pep Guardiola បានឡើងឈរលេខ១ជំនួស Zidane ក្លាយជាគ្រូបង្វឹកបាល់ទាត់ល្អជាងគេបំផុតក្នុងពិភពលោក។
ក្នុងលំដាប់ Top២០, Pep ទទួលបានពិន្ទុ(៧៨.៤/១០០)ឈរលេខ១ហើយបន្ទាប់ពីគាត់គឺគ្រូបង្វឹកសញ្ជាតិអ៊ីតាលីរបស់Juventus លោក Massimiliano Allegri (៧៧.៥/១០០)ហើយ Zidane បានលេខ៣មានពិន្ទុ (៧៤.៩/១០០)។
លោក Jose Mourinho ឈរនៅលេខ៦ គ្រូបង្វឹក Barcelona លោក Ernesto Valvderde ឈរលេខ៩ Julen Lopetegui (គ្រូបង្វឹកអេស្ប៉ាញ)១០និងគ្រូបង្វឹកជម្រើសជាតិបែលហ្សិកលោក Roberto Martinez លេខ១៦។
ចំណែកគិតតែក្នុងពានLa liga វិញ Zidane លេខ១ Simeone លេខ២ Ernesto Valverde លេខ៣ គ្រូបង្វឹកValencia; Macelino Garcia លេខ៤និងលោក Eusebio Sacristan គ្រូបង្វឹកក្លឹបReal Sociedad លេខ៥។ ចំណែកចុងក្រោយគេក្នុងលំដាប់លេខ២០គឺលោក Jose Gonzalez គ្រូបង្វឹក Malaga។
លទ្ធផលនៃការសិក្សានេះមិនវិភាគទៅលើភាពជោគជ័យតែមួយមុខនោះទេគឺវាក៏បានរួមបញ្ចូល សីលធម៌ សមត្ថភាពសម្របខ្លួនទៅនឹងទីសាធារណៈ ឥរិយាបថរបស់គ្រូបង្វឹកនីមួយៗ ជាមួយនឹងភាពល្បីល្បាញក្នុងសង្គម៕
ប្រភព៖ MARCA ENGLISH
