បាល់ទាត់៖ ក្លឹបជើងឯក Premier League ឆ្នាំ ២០១៧ Chelsea កំពុងតែស្វែងរកជម្រើសដំបូងរបស់ខ្លួនល្អឥតខ្ចោះ សម្រាប់ត្រៀមរដូវកាលថ្មី ហើយអ្វីដែលគ្រូបង្វឹកក្លឹបមួយនេះចង់បានបំផុតគឺខ្សែការពារជម្រើសជាតិអ៊ីតាលី Leonardo Bonucci ក្នុងតម្លៃ៤៨លានផោន។
Bonucci បានក្លាយជាខ្សែការពារមានសក្ដានុពលបំផុតក្នុងពិភពលោក ក្នុងការចំណាយពេល៧ឆ្នាំនៅទឹកដី Torin របស់ Juventus ប៉ុន្តែកីឡាករវ័យ៣០ឆ្នាំមានទំនាក់ទំនងក្នុងការផ្ទេរទៅលេងនៅ Premier League ក្នុងរដូវកាល២០១៧/១៨។
លោក Antonio Conte បានត្រៀមខ្លួនរួចហើយ ក្នុងដាក់សំណើយកកីឡាកររូបនេះ ក្នុងតម្លៃ៤៨លានផោនហើយថែមខ្សែបម្រើ Nemanja Matic ម្នាក់ពីលើកទៀតដើម្បីធ្វើឲ្យណាឲ្យ Juventus ព្រមលក់។
Bonucci និងលោក Massimilano Allegri មានទំនាក់ទំនងមិនសូវល្អនឹងគ្នាទេ ក្នុងរយៈកាលចុងក្រោយ ហើយគ្រូបង្វឹកក្លឹបមួយនេះអាចនឹងលក់ខ្សែការពារជម្រើសជាតិអ៊ីតាលីក្នុងរដូវដោះដូរកីឡាំករដែលជិតនឹងឈានមកដល់ឆាប់ៗ៕
