ក្រុមមាន់ខ្នាយមាស Tottenham កំពុងអន្ទងខ្សែការពារ Chris Smalling របស់ Manchester United ក្នុងរដូវកាលថ្មីនេះៗ បើតាមប្រភពសារព័ត៌មានអង់គ្លេស Daily Mail។
ក្រុមលេខ២ Premier League រដូវកាលមុន មានសង្ឃឹមច្រើនក្នុងការស៊ីញកុងត្រាយកខ្សែការពារកណ្ដាលរបស់ Hull City កីឡាករ Harry Maguire, ប៉ុន្តែរូបគេបានទៅចូលរួមជាមួយក្រុមចចកព្រៃ Leicester City ក្នុងតម្លៃ១៧លានផោនបាត់ទៅហើយ ។ដូចច្នេះទើបក្រុមមាន់ខ្នាយមាសមួយនេះ បង្វែរការចាប់អារម្មណ៍ Smalling របស់Man Utd វិញ។
ស្របពេលដែលក្លឹបបិសាចក្រហមទើបតែចុះកុងត្រាយក Victor Lindelof កាលពីសប្ដាហ៍មុន ត្រូវបានគេដឹងជាអ្នកជំនួសដំណែងរបស់ Smalling ហើយខ្សែការពារជម្រើសជាតិអង់គ្លេសរូបនេះ នឹងអាចចាកចេញពី Old Trafford ដើម្បីស្វែងរកកៅអីជម្រើសដំបូងវិញ៕
