បាល់ទាត់៖ ក្រុមជម្រើសជាតិព័រទុយហ្គាល់ បានត្រឹមស្មើក្រុមជម្រើសជាតិមិកស៊ិកូ ២-២ ក្នុងការប្រកួតពានរង្វាន់ FIFA Confederation Cup 2017 ពូល A កាលពីយប់មិញក្នុងកីឡដ្ឋាន Kazan Arena ប្រទេសរុស្សី។
២គ្រាប់របស់ព័រទុយហ្គាល់ រកបានដោយខ្សែប្រយុទ្ធស្លាប Ricardo Quaresma នាទី៣៥ (Assist C. Ronaldo) និង Cedric Soares នាទី៨៦ (Assist Gelson) ខណៈ ក្រុមជើងឯកមកពីអាមេរិកខាងជើងមិកស៊ិកូរកបានដោយ Javier Hernandez នាទី៤២និង Hector Moreno ចុងម៉ោងនាទី៩០+១។
ទោះបីជាលទ្ធផលស្មើគ្នាយ៉ាងនេះក្តីខ្សែប្រយុទ្ធឆ្នើមរបស់ព័រទុយហ្គាល់ ដែលកំពុងប្រកបអាជីពនៅក្លិប Real Madrid ត្រូវបានគណៈកម្មការរៀបចំការប្រកួតដាក់ងារជាកីឡាករឆ្នើមជាងគេប្រចាំការប្រកួត ឬហៅថា Man of the Match។
លទ្ធផលនេះ ធ្វើឲ្យក្រុមទាំងពីរទទួលបានម្ខាង១ពិន្ទុ ឈរលេខ២ លេខ៣ គិតលើតារាងបណ្ដោះអាសន្ន ខណៈម្ចាស់ផ្ទះរុស្សី ឈរកំពូលតារាងពូល A មាន៣ពិន្ទុ ហើយនូវ៉ែលហ្សេឡង់នៅបាតតារាងមាន០ពិន្ទុ។
ប្រកួតបន្ទាប់ ព័រទុយហ្គាល់នឹងត្រូវជួបម្ចាស់ផ្ទះរុស្សី វេលាម៉ោង១០និង០០នាទី ថ្ងៃទី២១ ខែមិថុនា ខណៈមិកស៊ិកូ ត្រូវជួបនូវ៉ែលហ្សេឡង់ វេលាម៉ោង១និង០០នាទីរំលងអាធ្រាត យប់ថ្ងៃទី២២ខែមិថុនា៕
ទស្សនាវីដេអូហាយឡាយខាងក្រោម៖
[youtube id=”P6nYDG-xp04″]
