Liverpool បានកំណត់តម្លៃខ្លួនខ្សែបម្រើ Phillip Coutinho ដល់ទៅ១៥០លានអឺរ៉ូបើប្រសិនបើ Bacelona ចង់បានខ្លាំង ខណៈខាងក្លឹបអេស្ប៉ាញហ៊ានឲ្យត្រឹមតែ៨០លានប៉ុណ្ណោះ។
ខ្សែបម្រើជម្រើសជាតិប្រេស៊ីល ត្រូវបានគេរាយការណ៍ថា បានយល់ព្រមលក្ខខណ្ឌផ្ទាល់ខ្លួន ជាមួយម្ចាស់កីឡដ្ឋាន Camp Nou តែយ៉ាងណាយ៉ាងណី ខាងហង្សក្រហមមិនមានគោលបំណងលក់ Super Star របស់ខ្លួននោះទេ។ កាលពីម្សិលមិញក្លឹបអេស្ប៉ាញបានដាក់តម្លៃខ្លួន Coutinho ៨០លានអឺរ៉ូ ប៉ុន្តែខាងក្លឹបអង់គ្លេសមិនយល់ព្រមទេហើយចង់បាន១៥០លាន។
Barca មានបញ្ហារឿងទិញកីឡាកររួចទៅ ហើយក្នុងរដូវកាលនេះ គឺពួកគេមិនអាចទិញ Marco Veratti ពី PSG បានដោយខាងក្លឹបបារាំងមិនព្រមចង់លក់តែបើចង់ខ្លាំងពួកគេកំណត់តម្លៃខ្ពស់។ ដោយកីឡាករពីររូបនេះ មានផលប្រយោជន៍ច្រើនទាំងលើទីលាន និងជួយក្រុមនោះ Barcelona ពិតជាពិបាកទិញបន្តិចហើយ។
ដោយឡែកក្លឹបមានមូលដ្ឋាននៅទឹកដី Catalan ក៏មិនចង់ចំណាយលុយលើសពី៨០លានអឺរ៉ូនេះដែរ ដោយពួកគេចង់បានតម្លៃសាកសមនឹងសមត្ថភាពកីឡាករ៕
