គ្រូបង្វឹកក្រុមកាំភ្លើងធំ Arsenal លោក Arsene Wenger បានព្រមានដល់ខ្សែការពារក្រុមរបស់លោកថា ពួកគេនឹងត្រូវជួបជាមួយខ្សែប្រយុទ្ធដ៏គ្រោះថ្នាក់ម្នាក់គឺ Alvaro Morata ក្នុងជំនួបChelsea ប៉ះArsenal នៅយប់ថ្ងៃអាទិត្យនេះ។
កីឡាករវ័យ២៤ឆ្នាំ Morata បានបង្ហាញថ្វីជើងយ៉ាងល្អក្នុងដើមរដូវកាលជាមួយអាជីពក្នុង Premier League ជាមួយChelsea ដោយទាត់បញ្ចូលទីបាន៣គ្រាប់និងបញ្ជូនបាល់បាន២ដងក្នុងការបង្ហាញខ្លួន៤ដង។
ខ្សែប្រយុទ្ធរូបនេះត្រូវដាក់ឲ្យសម្រាកក្នុងការប្រកួតនៅ Champions League ដែលឈ្នះ Qarabag ៦-០កាលពីថ្ងៃអង្គារ៍ប៉ុន្តែគេរំពឹងថានឹងនាំក្រុមលេងទល់នឹង Arsenal ក្នុងកីឡដ្ឋាន Stamford Bridge។ ដូច្នេះហើយលោក Wenger បាននិយាយថាឲ្យក្រុមរបស់ខ្លួនប្រយ័ត្ននិងការពារកីឡាករម្នាក់នេះឲ្យមែនទែន។
លោក Wenger បាននិយាយក្នុងសន្និសីទ្ធសារព័ត៌មានថា“ គាត់គឺជាកីឡាករដែលមានកម្រិតតិកនិកល្អណាស់។ គាត់អាចបញ្ជូនបាល់បានយ៉ាងល្អ អាចប្រើក្បាលបញ្ចូលទីច្បាស់ៗ ហើយគាត់ពិតជាកីឡាករដែលគ្រោះថ្នាក់ទាំងអស់តែម្ដង។”
” អាចរកគ្រាប់បាល់បានច្រើនក្នុងមួយប្រកួត គាត់គឺជាសុបិនអាក្រក់របស់ខ្សែការពារ។ គាត់ធ្លាប់លេងនៅ Juventus និង Real Madrid ។ ជឿខ្ញុំទៅ ពួកគេ (Chelsea)មិនដែលយកកីឡាករអន់ៗ មកពីក្លឹបទាំងនោះនោះទេ”៕
