ពេលនេះគឺជារដូវកាលលើកទី១១របស់ប្រធានក្រុមទី២ របស់ Real Madrid កីឡាករលេងក្នុងដំណែងការពារស្លាបឆ្វេង Marcelo, បែបណាក្ដីរូបគេហាក់មិនទាន់ចង់បោះបង់អាជីពក្នុងទីក្រុង ម៉ាឌ្រីដរបស់ប្រទេសអេស្ប៉ញមួយនេះឡើយ។
បែបណាក្ដី! ខ្សែការពារជម្រើសជាតិប្រេស៊ីលចង់លេងឲ្យក្លឹបមួយទៀតមុនពេលនិយាយ Googbye ពីអាជីពបាល់ទាត់។ ក្នុងបទសម្ភាសន៍មួយនៃកាសែតប្រចាំថ្ងៃរបស់ប្រេស៊ីល Globo Esporte, គាត់បានបង្ហើបថាគាតចង់លេងឲ្យក្លឹបមួយរបស់ប្រេស៊ីលគឺ Botafogo ទោះបីជាក្លឹបមួយនេះនឹងត្រូវប្រជែងជាមួយអតីតក្លឹបតាំងពីដើមរបស់ខ្លួន Fluminese ដែលមានប្រភពពីទីក្រុង Rio de Janeiro ដូចគ្នាក៏ដោយ។
“ខ្ញុំគួរតែលេងឲ្យ Botafogo នៅថ្ងៃមួយ វានឹងអស្ចារ្យ” កីឡាករសញ្ជាតិប្រេស៊ីលបានបង្ហើបដូច្នេះ។
ភ្លាមៗ នោះខាងក្លឹប Botafogo ក៏បានឆ្លើយតបពីព័ត៌មាននេះយ៉ាងឆាប់រហ័សជាមួយនឹងការផុសរបស់ក្នុងគណនី Twitter ផ្លូវការរបស់Marcelo ហើយពួកគេបានឆ្លើយតបដោយផ្ទាល់យ៉ាងដូច្នេះ៖”He will always be Welcome”។
បន្ថែមទីនេះក្លឹបរបស់ប្រេស៊ីលមួយនេះក៏បានស្នើឲ្យ Marcelo ពាក់អាវលេខ៦ដែលអាវនេះ ធ្លាប់ពាក់ដោយវិរបុរសប្រេស៊ីល Niltson Santos ក្នុងការជួយឲ្យប្រេស៊ីលឈ្នះពាន World Cup 1958, 1962 ហើយចំណាយពេលវេលាមុនចូលនិវត្តន៍របស់ខ្លួន៕
