តាមប្រភព ESPN លោក Carlo Ancelotti បានចាកចេញពីកៅអីគ្រូបង្វឹកក្លឹប Bayern Munich ហើយបន្ទាប់ពីក្រុមរបស់លោកចាញ់ PSG ៣ទល់០ក្នុងការប្រកួត Champion League។
CEO របស់ Bayern លោក Heinz Rummenigga បានព្រមានថា នឹងមានការពិភាក្សា តែត្រូវបន្ទាប់ពីចាញ់ការប្រកួត ហើយ នៅល្ងាចនេះតែម្ដង Bayern បាននិយាយពីវិបត្តិនៃការចាញ់ជាមួយលោក Ancelotti ក្រោយពេលចាញ់ក្នុង Champoins League ហើយទទួលបានលទ្ធផលខកចិត្តនៅដើមរដូវកាលនេះ។
កាសែត ESPN និយាយថាព័ត៌មាននឹងត្រូវប្រកាសក្នុងសន្និសិទ្ធិកាសែតនៅថ្ងៃព្រហស្សតិ៍ពេលរសៀល។ លោក Willy Sagnaol គ្រូជំនួយរបស់ Bayern នឹងទទួលតួនាទីនេះ ពីលោក Ancelotti ខណៈគ្រូបង្វឹកសញ្ជាតិអ៊ីតាលីមកដឹកនាំជំនួសលោក Pep Guardiola កាលពីឆ្នាំ២០១៦។
អតីតគ្រូបង្វឹក Dortmund លោក Thomas Tochel និងគ្រូបង្វឹក Hoffenfeim លោក Julian Nagelsmann ក៏ត្រូវបានគេដឹងថាអាចនឹងមកជំនួសដំណែងនេះដែរ។ ក្នុងការដឹកនាំរបស់លោក Ancelotti លោកបានជួយក្លឹបឈ្នះពាន Bundesliga ប៉ុន្តែចាញ់ Real Madrid ក្នុង Champions League វគ្គ៨ក្រុមចុងក្រោយ និងចាញ់ Borussain Dortmund ក្នុងពាន DFB Pokal៕
