លោក Alessandro Del Piero អតីតកីឡាកររបស់ក្រុមសេះបង្កង់ បាននិយាយថាប្រសិនបើ Ronaldo ចង់ចាកចេញពី Real Madrid រូបគេគួរតែទៅលេងនៅក្រុម Juventus ព្រោះទីនោះមានកន្លែងទំនេរច្រើន។
Ronaldo ត្រូវបានគេរាយការណ៍ចង់ចាកចេញពីក្រុមជើងឯក European Championship បន្ទាប់ពីត្រូវបានគេចោទប្រកាន់ពីបញ្ហាបន្លំមិនបង់ពន្ធមានទឹកប្រាក់ដល់ទៅ១៤.៧លានផោន។ អតីតក្លឹបរបស់ Ronaldo គឺ Manchester United, ក្លឹបបារាំង PSG មានទំនាក់ទំនងចង់បាន កំពូល Super Star រូបនេះ។
ដោយឡែកអតីតកីឡាករក្រុមសេះបង្កង់ម្នាក់ ធ្លាប់ជួយក្លឹបមួយនេះឈ្នះពាន Serie A ៦ដង និងChampions League ម្ដង បាននិយាយថា ក្លឹបយក្ស Serie A គួរតែសប្បាយចិត្តដែលមាន Ronaldo ប្រសិនបើកីឡាករវ័យ៣២ឆ្នាំរូបនេះចាកចេញពី Real Madrid។
“ ប្រសិនបើ Cristiano Ronaldo មិនសប្បាយចិត្តនៅ Real Madrid ហើយគាត់ចង់ចាកចេញ, Juventus មានកន្លែងជាច្រើនសម្រាប់គាត់។ បើគាត់មកមែននោះ Juventus នឹងអាចឈ្នះពាន Champions League ម្ដងទៀត”។
តែយ៉ាងណា! ម្ចាស់ពានបាល់មាស Ballon d’Or បួនសម័យកាលម្នាក់នេះ នៅសល់កុងត្រាជាមួយ Real Madrid កាលឆ្នាំ២០២១ឯណោះ៕
ប្រភព៖ Marca
