ប្រិយមិត្តប្រហែលជាដឹងច្បាស់ហើយថាក្នុងជំនួប El Clasico យប់នេះដោយ Barcelona ត្រូវទៅសួរសុខទុក្ខ Real Madrid ក្នុង La liga សប្ដាហ៍ទី១៩វេលាម៉ោង៧ និង០០នាទីម៉ោងស្រុកខ្មែរ។
តោះ! មកព័ត៌មានខ្លះៗពីក្រុមទាំងពីរ៖
Real Madrid ៖ Zinedine Zidane គ្មានកីឡាករណាម្នាក់របួសជាថ្មីនោះទេ ខណៈ Gareth Bale និង Cristiano Ronaldo មាំមួន១០០%។ CR7 បានមកហ្វឹកហាត់ជាមួយមិត្តរួមក្រុមកាលម្សិលមិញ ក្រោយពេលខកខានកាលពីដើមសប្ដាហ៍។យ៉ាងណាក្ដី!គាត់នឹងចាប់ដៃគូជាមួយ Karim Benzema ក្នុងតំបន់ប្រយុទ្ធ។ សម្រាប់ Bale ប្រហែលជាត្រូវអង្គុយកៅអីបម្រុងសិន តែអាចនឹងចូលនៅវគ្គទី២។ ខ្សែការពារ Raphael Varane ក៏នឹងត្រឡប់មកវិញ ដោយចាប់ដៃគូជាមួយ Sergio Ramosហើយ Casemiro ក៏ត្រឡប់មកវិញក្រោយផុតបម្រាម។
Barcelona៖ ការប្រកួតនេះBarcelona នឹងលេងដោយគ្មាន ខ្សែការពារ Samuel Umtiti ដោយរបួសរហូតដល់ឆ្នាំថ្មី ដែលនេះមានន័យថា Thomas Vermaelen គួរតែមកជំនួសចាប់ដៃគូជាមួយ Gerrard Pigue ក្នុងតំបន់ការពារកណ្ដាល។ Sergio Roberto ត្រូវបានគេរំពឹងថា លេងក្នុងជម្រើសដំបូងនៅតំបន់ការពារស្លាបជំនួស Nelson Semedo ខណៈដែលខ្សែបម្រើប្រេស៊ីល Paulinho នឹងត្រូវលេងក្នុងដំណែងពីក្រោយ Lionel Messi និង Luis Suarez។ កីឡាករនាំលេង Rafinha គ្មានឈ្មោះក្នុងបញ្ជីនេះទេ ជាមួយនឹងកីឡាករមួយចំនួនទៀត។
រឿងគួរដឹង៖
-Barcelona ឈ្នះ២០ដងហើយ ក្នុងចំណោមការប្រកួត២៣ដងចុងក្រោយនៅ La liga។
-Real Madrid ធ្លាប់បានទាត់បញ្ចូលទីយ៉ាងហោចណាស់២គ្រាប់ក្នុងជំនួបជាមួយ Barcelona ៤ប្រកួតចុងក្រោយគិតគ្រប់ពានរង្វាន់។
៥ប្រកួតចុងក្រោយរបស់ក្រុមទាំងពីរ៖
សម្ដីគ្រូបង្វឹក៖
សម្ដីគ្រូបង្វឹក Real Madrid ៖”មិនថាថ្ងៃស្អែកមានអីកើតឡើងខ្ញុំនិងក្រុមត្រៀមប្រយុទ្ធដល់ទីបញ្ចប់។មានផ្លូវដ៏វែងឆ្ងាយសម្រាប់ហើយការប្រកួតថ្ងៃស្អែកគឺត្រឹមតែបីពិន្ទុប៉ុណ្ណោះ។យើងដឹងថាយើងត្រូវការលេងឲ្យបានល្អប៉ុន្តែយើងនឹងមិនប្ដូរអ្វីទាំងអស់ទោះបីមានរឿងកើតឡើងក៏ដោយ។ ខ្ញុំដឹងថាវាពិតជាការប្រកួតដ៏ពិបាកបំផុតក្នុងក្នុងរដូវកាលនេះ Barca-Madrid តែងតែពិបាកអញ្ចឹង។ ពួកគេអស្ចារ្យប៉ុន្តែពួកគេក៏ពិបាកដែរ”។
សម្ដីគ្រូបង្វឹក Barcelona៖”វាមិនមែនជាការកាត់ក្ដីអ្វីទាំងអស់យើងនឹងមិននិយាយអំពីលទ្ធផលនៅពេលការប្រកួតមិនទាន់ចប់។មិនថាមានរឿងអ្វីកើតឡើងនៅថ្ងៃស្អែកយើងមានផ្លូវដើរវែងឆ្ងាយទៀត។ខ្ញុំមិនគិតថាយើងជាក្រុមមានភាគរយខ្ពស់នោះទេតារាងលីកពាក់កណ្ដាលរដូវកាលគ្មានន័យអ្វីទេតែការប្រកួតនេះពិតជាពិសេស”។
ជម្រើសដំបូងរបស់ Real Madrid អាចជា៖ Navas, Carvajal, Ramos, Varane, Marcelo, Kroos, Casemiro, Modric, Isco, Ronaldo, Benzema.
ជម្រើសដំបូងរបស់Barcelonaអាចជា៖ Ter Stegen, Sergi Roberto, Pique, Vermaelen, Alba, Busquets, Rakitic, Paulinho, Iniesta, Suarez, Messi.
