Manchester United និង Manchester City សុទ្ធតែជាក្លឹបបាននឹងកំពុងប្រទាញប្រទង់គ្នាដណ្ដើមយក Alexis Sanchez ខណៈដែលកីឡាករវ័យ២៩ឆ្នាំ ផុតកុងត្រាជាមួយ Arsenal នៅរដូវកាលនេះហើយមិនបន្តកុងត្រាថ្មី។
ក្រោយពេលកីឡាករមិនត្រូវដាក់ឈ្មោះបញ្ចូលបញ្ជីកីឡាករត្រូវប្រកួតកាលពីយប់មិញដែល Arsenal ចាញ់Bournemouth ២ទល់១ លោក Wenger បាននិយាយថាឱកាសចាកចេញរបស់ Sanches គឺ៥០-៥០។
“ ខ្ញុំមិនមែនជាអ្នកដែលគ្រប់គ្រង់រឿងនេះប៉ុន្តែអាចវាកើតឡើងនៅថ្ងៃនេះ ស្អែក ឬក៏ថ្ងៃបន្តបន្ទាប់ទៅមុខទៀត។ អ្វីៗនឹងសម្រេចចិត្តក្នុងរយៈពេល៤៨ម៉ោង”។City បានតាមដាននិងទាញកីឡាករជម្រើសជាតិឈីលីរូបនេះចាប់តាំងពីដើមរដូវកាល ប៉ុន្តែមានព័ត៌មានបានរាយការណ៍ថាក្លឹបកំពូលតារាង Premier League មួយនេះគ្មានបំណងចំណាយលុយ៣៥លានផោនទិញយកនោះទេ។
ប៉ុន្តែក្លឹបដែលមកក្រោយគេគឺ Man Utd ដែលជាបេក្ខភាពមួយនឹងទទួលបាន Sanchez នៅរយៈពេល៤៨ម៉ោងទៀត៕
