អតីតខ្សែបម្រើក្រុមកាំភ្លើងធំ Arsenal កីឡាករ Thomas Rosicky បានសម្រេចចិត្តព្យួរស្បែកជើងបាល់ទាត់ហើយ ចាប់ពីពាក់កណ្ដាលរដូវកាល២០១៧-២០១៨នេះតទៅ។
កីឡាករ Dortmundអំឡូងឆ្នាំ ២០០១-២០០៦ វ័យ៣៧ឆ្នាំរូបនេះ បាននិយាយពីការសម្រេចចិត្តបញ្ចប់អាជីពបាល់ទាត់នេះក្នុងសន្និសីទកាសែតមួយនៅថ្ងៃទី២០ធ្នូឆ្នាំ ២០១៧នេះ។ “បន្ទាប់ពីសម្រេចចិត្តយ៉ាងប្រុងប្រយ័ត្ន ខ្ញុំជឿថារាងកាយរបស់ខ្ញុំ មិនអាចរៀបចំសម្រាប់ការប្រកួតបាល់ទាត់តទៅទៀតបានទេ ។ខ្ញុំសូមថ្លែងអំណរគុណដល់ Sparta ដែលបានលើកដំឡើងខ្ញុំឲ្យក្លាយជាកីឡាករបាល់ទាត់អាជីពតាំងពីរដំបូង រហូតដល់កន្លែងខ្ញុំចូលនិវត្តន៍ ហើយធ្លាប់អនុញ្ញាតឲ្យខ្ញុំចាកចេញពីលេងនៅកន្លែងដែលខ្ញុំស្រឡាញ់បំផុត“។
Tomáš Rosický has retired from professional football.
Details 👉 https://t.co/6jhwTxIhjz pic.twitter.com/r60VXw95Hn
— AC Sparta Prague (@ACSparta_EN) December 20, 2017
Rosicky គឺជាកីឡាករមានដើមកំណើតនៅក្លឹប Sparta នេះតែម្ដង ដោយបានចាកចេញពី CKD Kompresory Praga មកចូលរួមតាំងពីឆ្នាំ១៩៨៨ហើយរូបគេបានក្លាយជាកីឡាករសំខាន់របស់ក្លឹបចាប់ពីឆ្នាំ ១៩៩៨ដល់២០០១ដោយបានជួយក្លឹបឈ្នះលីកកំពូលសាធារណរដ្ឋឆេក៣ដង។ បន្ទាប់មកចូលរួមជាមួយDortmund ឈ្នះជើងឯកអាល្លឺម៉ង់ក្នុងឆ្នាំ ២០០២ហើយចាកចេញទៅលេងនៅក្លឹបមានមូលដ្ឋាននៅទីក្រុងឡុងដុង Arsenal ក្នុងឆ្នាំ ២០១៦។
រូបគេចំណាយពេល១០ឆ្នាំជាមួយកាំភ្លើងធំហើយឈ្នះពាន AF Cup ២ដង។ បន្ទាប់មករូបគេក៏បានត្រឡប់មក Sparta វិញកាលពី២ឆ្នាំមុន ដោយបង្ហាញខ្លួនបាន១២ប្រកួតរកបានមួយគ្រាប់។បើនិយាយពីលេងក្នុងជម្រើសជាតិវិញ ធ្លាប់បង្ហាញខ្លួនឲ្យឆែកបាន១០៥ប្រកួតរកបាន២៣គ្រាប់ផងដែរ៕
