ទម្លាយមូលហេតុ Ronaldo មិនអបអរគ្រាប់បាល់របស់ Isco

Cristiano Ronaldo បានបង្កើតរឿងគួរឲ្យចាប់អារម្មណ៍កាលពីថ្ងៃអាទិត្យ បន្ទាប់ពីមិនអបអរគ្រាប់បាល់របស់ Isco ក្នុងការប្រកួតដែល Real Madrid ឈ្នះ Las Palmas ហើយមូលហេតុត្រូវបានបញ្ចេញឲ្យដឹងហើយ។

គ្រាប់បាល់នេះបានធ្វើឲ្យ Real Madrid ឈ្នះ Las Palmas ៣ទល់០ដោយមិនអាចតដៃរួច ខណៈគ្រាប់បាល់ទី៣នេះ បានពីទំនាក់ទំនងរបស់ Marco Asensio, Ronaldo, និងចុងក្រោយ Isco។ Ronaldo បានបញ្ជូនបាល់ពីស្លាបស្ដាំបោះកាត់តំបន់គ្រោះថ្នាក់ដោយបន្សល់បាល់ឲ្យ Isco បញ្ចប់ទីយ៉ាងងាយស្រួល ត្រឹមចម្ងាយ៧ម៉ែត្រ ហើយអបអរយ៉ាងសប្បាយ ប៉ុន្តែ Ronaldo ហាក់ស្ងាត់ស្ងៀម។

Image result for Ronaldo didn't celebrate Isco's goal

ប្រភព៖ El Chiriguito បញ្ជាក់ថា ការមិនអបអរគ្រាប់បាល់របស់ Ronaldo គឺថា ខ្សែប្រយុទ្ធវ័យចាស់អន់ចិត្ត និងគិតថា Isco គួរតែរត់មករកខ្លួន ហើយអបអរគ្រាប់បាល់នេះទាំងអស់គ្នា ដើម្បីបង្ហាញពីការអរគុណដែលគាត់បានបញ្ជូនបាល់យ៉ាងល្អឲ្យសម្រេចទី។ ប៉ុន្តែខ្សែបម្រើអេស្ប៉ាញបែជារត់អបអរគ្រាប់បាល់ជាមួយមិត្តរួមក្រុមដទៃទៀតទៅវិញ៕

Image result for Real Madrid 3-0 Las Palmas