លោក Francisco Buyo អតីតអ្នកចាំទីរបស់ Real Madrid បានផ្ដល់ដំបូន្មានឲ្យ Los Balncos ស៊ីញេកុងត្រាយក Alexis Sanchez ដែលជិតផុតកំណត់កុងត្រាជាមួយ Arsenal ទៅហើយនោះ។
គេបានដឹងរួចជាស្រេចទៅហើយថា កុងត្រារបស់ខ្សែប្រយុទ្ធជម្រើសជាតិឈីលី នឹងផុតកំណត់ពេលចប់រដូវកាលនេះហើយក៏មានក្លឹបជាច្រើនចង់ចុះកុងត្រាយករូបគេទៅលេងផងដែរ ទាំងក្នុងខែមករាខាងមុខ ក៏ដូចចប់រដូវកាលនេះក្នុងលក្ខខណ្ឌមិនអស់លុយ។
គ្មានអ្វីគួរឲ្យភ្ញាក់ផ្អើលនោះទេ ដែលកីឡាកររូបនេះ មានទំនាក់ទំនងជាមួយ Real Madrid ហើយលោក Buyo ជឿថាគាត់នឹងក្លាយជាកីឡាករបន្ថែមយ៉ាងល្អសម្រាប់ក្រុមរបស់លោក Zinedine Zidane។ អតីតអ្នកចាំទីរូបនេះ និយាយក្នុងកាសែត AS Chile ថា៖” ខ្ញុំជឿចាក់ថាគាត់ (Alexis)ពិតជាត្រូវជាមួយ Real Madrid គាត់មានថាមពល ពោរពេញទៅដោយការរកគ្រាប់បាល់ និងការបំឡាស់ទីក្នុងទីលាន ពិសេសកន្លែងដែលគាត់លេង”។
ទោះពីជាយ៉ាងនេះក្ដី! ម្ចាស់ជើងឯកអឺរ៉ុបមួយនេះក៏ធ្លាប់មានទំនាក់ទំនងជាមួយកីឡាកររបស់ Arsenal រូបនេះដែរ ខណៈក្លឹប Manchester City កំពុងតែដុតដៃដុតជើងទិញយកក្នុងខែមករាខាងមុខនេះ៕
