លោក Jose Mourinho បានផ្ដល់ដំណឹងដល់ថ្នាក់ដឹកនាំ Real Madrid និងបង្ហាញបញ្ជីកីឡាករត្រូវទិញនៅរដូវកាលក្រោយ ហើយក្នុងចំណោមនោះ មានខ្សែការពារ៥នាក់ត្រូវបង្ហាញមុនគេ ដើម្បីយកមកពង្រឹងតំបន់ការពារដែលកំពុងផុយស្រួយ។
គ្រូបង្វឹកសញ្ជាតិព័រទុយហ្គាល់ កំពុងស្វែងរកជម្រើសមកពង្រឹងតំបន់ខាងក្រោយ ហើយបង្ហាញបញ្ជីឈ្មោះកីឡាករដែលក្លឹបត្រូវយកឲ្យបាននៅរដូវកាលក្រោយ។ Jose បានដាក់ឈ្មោះ ខ្សែការពារកណ្ដាលរបស់ Real Madrid, Raphael Varane ទិញមកក្នុងតម្លៃ៤០លានផោន ក្រៅពីនេះមានខ្សែការពារ Toby Alderweireld និងខ្សែការពារ Barcelona កីឡាករ Samuel Umtiti។ កីឡាករ Spursម្នាក់ទៀតគឺ Danny Rose មកជំនួស Luke Shaw ខណៈ Jose Gaya របស់ក្លឹប Valencia ជាជម្រើសម្នាក់ទៀត។
ជម្រើសកីឡាករ៥នាក់នេះស្ថិតក្នុងបញ្ជីត្រូវទិញ ខណៈ Shaw, Matteo Darmain, និង Daley Blind កំពុងស្វែងរកក្លឹបថ្មីនៅកាលក្រោយ។ ចំណែកកីឡាករតែងតែជាប់ជម្រើស១១នាក់ដំបូងមាន Phil Jones, Chris Smalling និង Victor Lindelof ក៏ស្ថិតក្នុងអនាគតមិនច្បាស់លាស់ដែរ ប៉ុន្តែ Marcos Rojo និងEric Bailey មិនអាចនរណាដកចេញពីក្លឹបបានឡើយព្រោះទើបតកុងត្រាថ្មី៕
