ខ្សែបម្រើ Philippe Coutinho នឹងខកខានការប្រកួតជើងទី 2 នៃការប្រកួតក្របខ័ណ្ឌ Champions League របស់ក្រុម Liverpool ជាមួយនឹង Hoffenheim កាលពីថ្ងៃពុធនេះជាមួយនឹងជំងឺ។

Liverpool កាលពីសប្តាហ៍មុនបានច្រានចោលការដេញថ្លៃទីបីពីក្លឹប Barcelona សម្រាប់កីឡាករអន្តរជាតិប្រេស៊ីលដែលមិនបានលេងនៅរដូវកាលនេះដោយសារតែរបួសខ្នង។

លោក Jurgen Klopp ជាអ្នកចាត់ការទូទៅរបស់ Liverpool បាននិយាយថាជំហររបស់ Liverpool មិនបានផ្លាស់ប្តូរឡើយហើយថាលោកមិនមានគំនិតអ្វីឡើយថាតើពេលណា Coutinho នឹងវិលត្រឡប់មកវិញ។

ហង្សក្រហម Liverpool នាំមុខ 2-1 នៅក្នុងការប្រកួតនៅទឹកដី Anfield ។ អ្នកទទួលជ័យលាភីនឹងបន្ដទៅក្របខ័ណ្ឌ Champions League ។

Klopp បាននិយាយថា៖ “ភាពខុសគ្នាដ៏សំខាន់រវាងសប្តាហ៍មុននិងសប្តាហ៍នេះគឺថាមនុស្សគ្រប់គ្នាស្គាល់គុណភាពនៃ Hoffenheim” ។

គាត់បានបន្តថា៖​ ”ខ្ញុំធ្លាប់បានដឹងទុកជាមុនហើយ ប៉ុន្តែមនុស្សជាច្រើននៅអង់គ្លេសមិនរំពឹងថាការលេងរបស់ Hoffenheim បានដល់ថ្នាក់នេះទេ។ ជាក់ស្តែងគឹវាបានកើតឡើងនៅពាក់កណ្តាលពេលតង់ហើយ – ដូចនេះពួកយើងត្រូវតែកែសម្រួលការលេងរបស់យើង” ។

Hoffenheim មិនដែលបានឈានដល់ក្របខ័ណ្ឌ Champions League ខណៈដែលគ្មានក្រុមអាល្លឺម៉ង់បានឈ្នះពានរង្វាន់អឺរ៉ុបនៅឯទឹកដី Anfield ឡើយ។

Klopp បាននិយាយថា: “ Anfield គឺជាកត្តាចម្បងមួយ។ យើងទាំងអស់គ្នាដឹងថាវាជាកន្លែងពិសេសមួយ។ យើងក៏ត្រៀមខ្លួនរួចរាល់ដើម្បីប្រយុទ្ធប្រឆាំងផងដែរ” ។

លោក Julian Nagelsmann គ្រូបង្វឹក Hoffenheim បាននិយាយថាក្រុមរបស់គាត់នឹងមិនត្រូវបានបំភិតបំភ័យដោយលេងនៅទឹកដី Anfield ឡើយ។

បុរសជនជាតិអាល្លឺម៉ង់វ័យ 30 ឆ្នាំរូបនេះបាននិយាយថា: «យើងមិនមានការភ័យខ្លាចពីកន្លែងនេះទេ។ យើងគិតថាពាក្យដែលត្រឹមត្រូវ គឺពាក្យថា ត្រៀមខ្លួន»។

“អ្នករស់នៅ Anfield បានឃើញការប្រកួតដ៏អស្ចារ្យជាច្រើន។ ចំណែកយើងវិញប្រកួតដែលពោរពេញដោយទំនុកចិត្តហើយយើងជឿជាក់យ៉ាងមុតមាំថាយើងអាចបង្កើតការប្រកួតដ៏អស្ចារ្យ សំរាប់ពួកគេដែរ” ។

គួរកត់សំគាល់ផងដែរថា Hoffenheim បានផ្តួល Werder Bremen 1-0 ក្នុងការប្រកួតបើកឆាកនៃក្របខ័ណ្ឌ Bundesliga របស់ពួកគេកាលពីថ្ងៃសៅរ៍។