ខ្សែប្រយុទ្ធ Real Madrid កីឡាករ Cristiano Ronaldo នឹងធ្វើដំណើរជាមួយមិត្តរួមក្រុមទៅកាន់កីឡដ្ឋាន Estadi Montilivi ជាលើកដំបូងក្នុងជំនួបជាមួយ Girona នៅថ្ងៃអាទិត្យនេះ ខណៈកីឡាករព័រទុយហ្គាល់ កំពុងស្វែងរកគ្រាប់បាល់នៅក្នុងកីឡដ្ឋាននេះ ខណៈកាលពីមុនមិនដែលរកបាន។
កីឡដ្ឋាន Estadio Nueva Condomina
នៅក្នុងអាជីពនៃ ប្រទេសអេស្ប៉ាញមានតែកីឡដ្ឋាន២ប៉ុណ្ណោះ ដែលរូបគេមិនទាន់រកគ្រាប់បាល់បាន ខណៈកីឡាករវ័យ៣២ឆ្នាំ ធ្លាប់បានលេងដែរតែមិនបានទាត់បញ្ជូលទី ទោះបីលេងក្នុងពាន La liga ឬក៏ Copa del Rey ក្ដី។
កីឡដ្ឋាន Estadio Nueva Condomina ដែលជាមូលដ្ឋានបាល់ទាត់របស់របស់ក្លឹប Real Murcia, Ronaldo មិនអាចរកគ្រាប់បាល់បាននោះទេ ខណៈកីឡដ្ឋាននេះ អាចផ្ទុកអ្នកទស្សនាបានជាង៣១០០០នាក់ ហើយឱកាសរបស់គេលេងក្នុងកីឡដ្ឋាននេះក៏មិនបានច្រើនដែរ។
Ronaldo លេងបាន៧០នាទីក្នុងពាន Copa del Rey ចន្លោះខែតុលាកាលពីឆ្នាំ២០១០ ដោយទទួលបានលទ្ធផល០-០ហើយចាប់តាំងពីពេលនោះ មករូបគេក៏មិនដែលបានទៅទីនោះដែរ។
កីឡដ្ឋាន Estadio Nuevo Arcangel ជាផ្ទះរបស់ក្រុម CF Cordoba
កីឡដ្ឋានមួយទៀតដែល Ronaldo សង្ឃឹមថានឹងទម្លាយសំណាញ់បានគឺកីឡដ្ឋាន Estadio Nuevo Arcangel ជាផ្ទះរបស់ក្រុម CF Cordoba។ Real Madrid បានយកឈ្នះក្រុមមួយនេះ២ទល់១ កាលពីថ្ងៃទី ២៤ មករា ឆ្នាំ ២០១៥ ប៉ុន្តែ Ronaldo មិនអាចរកគ្រាប់បាល់បាននោះទេ ខណៈ Gareth Bale និង Karim Benzema ជាអ្នករកបាន៕
