តារាបាល់ទាត់តម្លៃ១៩៨លានផោន Neymar បានកំណត់អត្តសញ្ញាណគ្រូបង្វឹកថ្មីម្នាក់ ដោយរូបគេចង់ឲ្យមកដឹកនាំជំនួសគ្រូបង្វឹកបច្ចុប្បន្នលោក Unai Emery នៅ PSG ។
ប្រភព El Chiringuito’និយាយថាកីឡាការវ័យ២៥ឆ្នាំ បានប្រាប់មន្រ្តីរបស់ក្លឹបថា រូបគេចង់បានអតីតគ្រូបង្វឹកជម្រើសជាតិប្រេស៊ីលលោក Luiz Felipe Scolari ដើម្បីជំនួសដំណែង Emery ដែលកំពុងដឹកនាំនៅកីឡដ្ឋាន Parc des Prince។
មិនទាន់បានអីផង Neymar ហាក់បង្ហាញការមិនពេញចិត្តពីយុទ្ធសាស្រ្តគ្រូបង្វឹកដោយលោក Eduardo Inda អ្នកកាសែតអេស្ប៉ាញបានទម្លាយថា កំពូលកីឡាករប្រេស៊ីលចង់បានឲ្យ PSG យកលោក Scolari មកទទួលការងារគ្រូបង្វឹក។
បន្ទាប់ពីចំណាយលុយបំបែកកំណត់ត្រាទិញយកកីឡាកររូបនេះពី Barcelona ក្លឹបមានមូលដ្ឋាននៅទីក្រុងប៉ារីស នឹងពិតជាមិនចង់ឲ្យ Neymar អាក់អន់ចិត្ត ពិសេសទំនាស់រវាងមិត្តរួមក្រុម Edinson Cavani។ បើនេះជាការពិត!តើលោក Scolari នឹងធ្វើកិច្ចការជាគ្រូបង្វឹកបានល្អជាងលោក Emery នៅ Paris ដែរឬទេ?
