ទស្សនាវដ្ដី ’France Football’s’ ដែលជាអ្នកផ្ដល់ពានរង្វាន់ Ballon d’Or បានបញ្ចេញបញ្ជីឈ្មោះកីឡាករវ័យក្មេងល្អបំផុត ហើយក្នុងចំណោមកីឡាករទាំងអស់មានMarco Asensio និង Ousmane Dembele ផងដែរ។
Dembele គឺជាកីឡាករមានតម្លៃខ្លួនថ្លៃជាងគេទី២ក្នុងពិភពបាល់ទាត់បានឡើងមកលេងនៅ Barcelona ប៉ុន្តែរូបគេ បែររបួសរយៈពេលយូរទៅវិញ ខណៈ Asensio ដែលមានថ្វីជើងឆ្វេងល្អ ត្រូវបានគេយកទៅប្រៀបធៀបជាមួយ Lionel Messi ហើយបង្ហាញទម្រង់លេងចុងរដូវកាលមុន ដែលពេលនេះរូបគេនៅតែបានចូលលេងរឿយៗជាមួយនឹងជម្រើសដំបូង១១នាក់របស់ Real Madrid ។
France Les 12 prodiges du foot mondial à la une de France Football https://t.co/EjbbqW2RNq pic.twitter.com/Ok3SzVcB3D
— FOOT Live News (@RdP_Foot) October 30, 2017
ទស្សនាវដ្ដីបារាំងមួយនេះ បានបញ្ចេញបញ្ជីឈ្មោះដែលមានកីឡាករល្អៗមកពីគ្រប់ទិសទីដូចជា៖ Dele Alli (Tottenham), Gabriel Jesus, (Manchester City), Leroy Sane (Manchester City), Mason Mount (Vitesse), Matthijs de Ligt (Ajax), Maximiliano Romero (Velez Sarsfield), Santiago Viera (Liverpool de Uruguay), Gianluigi Donnarumma (AC Milan), Kylian Mbappe (PSG), Vinicius (Flamengo/Real Madrid) និងកីឡាករដែលយើងបាននិយាយពីខាងលើ DembeleនិងAsensio។
Dembele គឺជាកីឡាករតែម្នាក់គត់តំណាងមកពី Barcelona ខណៈ Asensio និង Vinicius ដែលបានស៊ីញេកុងត្រាជាមួយស្ដេច៤០លានផោន ប៉ុន្តែបន្ដអភិវឌ្ឍន៍ខ្លួននៅ Flamengo តំណាងឲ្យ Real Madrid ។ ‘France Football’s’ ក៏បានដាក់ឈ្មោះថ្មីឲ្យ Asensio និងMbappe ជា ( The New Monsters” នៃការប្រកួតនីមួយៗ ហើយសរសើរពួកគេថាជាកីឡាករដែលឈានទៅរកលំដាប់ពិភពលោកដូច Messi និង Ronaldo (“forefront of the world of football.” ។
