ការដោះដូរកីឡាករដ៏រញ៉េរញ៉ៃមួយកំពុងកើតឡើងរវាងក្លឹបលំដាប់កំពូលបីគឺ Real Madrid, Paris Saint-Germain និងManchester United ហើយកីឡាករដែលជាប់ទាក់ទងគឺ Neymar, Marcos Rojo និង Raphael Varane។
Manchester United អាចនឹងផ្ដល់លុយមួយភាគទៅឲ្យ Real Madrid ក្នុងការនាំយក Neymar មក Bernabeu ដោយក្លឹបអេស្ប៉ាញត្រូវលក់ខ្សែការពារកណ្ដាល Raphael Varane ទៅឲ្យក្លឹបអង់គ្លេស។
កាសែត Don Balon បាននិយាយថាម្ចាស់ជើងឯកអឺរ៉ុបស្ដេចស មិនបោះបង់ការចង់បានខ្សែប្រយុទ្ធជម្រើសជាតិប្រេស៊ីលរូបនេះពី PSG ឡើយ ហើយក្លឹបទាំងបីកំពុងលេងល្បែងដោះដូរមួយ ដើម្បីទទួលបានផលប្រយោជន៍តាមចង់បានរៀងៗខ្លួន។
បិសាចក្រហមចង់បានខ្សែការពារសញ្ជាតិបារាំង Varane យូរមកហើយហើយរដូវកាលក្រោយនេះលោក Jose Mourinho នឹងព្យាយាមទិញឲ្យបានហើយការដាក់សំណើដ៏ធំមួយនឹងជួយឲ្យ Real Madrid ទទួលបានលុយគ្រប់គ្រាន់ដើម្បីយកNeymar។
ចំណែក PSG វិញត្រូវបានគេនិយាយថាចង់បានខ្សែការពារ Man Utd កីឡាករ Marcos Rojo ពីOld Trafford ហើយការលក់Neymar ឲ្យទៅឲ្យ Real នឹងទទួលបានកម្រៃបង់ឲ្យ Man Utd យកខ្សែការពារជម្រើសជាតិអាហ្សង់ទីនទៅ។ ចំណែកReal Madrid ពេលដែលបាត់បង់ Varane ពួកគេនឹងបំបែរចំណាប់អារម្មណ៍ទៅលើខ្សែការពារ AC Milan កីឡាករ Leonardo Bunucci បំពេញជំនួសវិញ។
To recap the potential transaction:
Manchester United:
ទទួលបាន – Raphael Varane
បាត់បង់ – Marcos Rojo
Real Madrid:
ទទួលបាន – Neymar
បាត់បង់ – Raphael Varane
Paris Saint-Germain:
ទទួលបាន – Marcos Rojo
បាត់បង់ – Neymar
