អ្នកចាត់ការ Jurgen Klopp បានប្រាប់ឲ្យដឹងថា លោកបានរកឃើញចំណុចខ្សោយមួយរបស់ Real Madrid មុនប៉ះគ្នាវគ្គផ្តាច់ព្រ័តក្នុងពានរង្វាន់ UEFA Champions League ដែលធ្វើឡើងនៅក្នុងទីក្រុង Kiev ប្រទេសអ៊ុយក្រែន នាថ្ងៃសៅរ៍ខាងមុខនេះ។
បុរសសញ្ជាតិអាល្លឺម៉ង់បានឲ្យដឹងថា៖ “ចំណុចខ្សោយមួយរបស់ Real គឺនៅត្រង់ Marcelo។ Marcelo ជាកីឡាករចូលចិត្តឡើងប្រយុទ្ធបើទោះលេងជាខ្សែការពារក៏ដោយ។ បើ Marcelo ឡើងបាត់យើងនឹងឲ្យ Salah សម្រុកតាមតំបន់នោះ ដើម្បីគេចពី Sergio Ramos។ យ៉ាងណាពេលលេងមិនស្រួលដូចនិយាយនោះទេ”។
Real Madrid ដែលក្រុមការពារជើងឯកមានភាគរយឈ្នះច្រើនដោយផ្អែកលើបទពិសោធន៍លេងវគ្គផ្ដាច់ព្រ័ត្រ៣ឆ្នាំជាប់ៗគ្នា ប៉ុន្តែ Liverpool គឺជាក្រុមមួយដែលមិនអាចមើលស្រាលឡើយ ដោយពួកគេក៏ជាជើងឯកពានរង្វាន់នេះ៥សម័យផងដែរ។
