Real Madrid ទទួលបានបីពិន្ទុក្នុងការប្រកួត Champions League ជាមួយ Dortmund ហើយគ្រូបង្វឹកក្រុមរបស់អាល្លឺម៉ង់មួយនេះលោក Peter Bosz បាននិយាយថា Real Madrid គឺជាក្រុមខ្លាំងសាកសមបាន៣ពិន្ទុនេះ។
បន្ទាប់ពីចាញ់ Spurs ក្នុងកីឡដ្ឋាន Wembley កាលលើកទីមួយ ឱកាសរបស់ Dortmund ក្នុងការធ្វើដំណើរឡើងទៅវគ្គបន្តនៃពាននេះ កំពុងស្ថិតក្នុងគ្រោះថ្នាក់ ហើយការប្រកួតនៅសល់ពិតជាពិបាកសម្រាប់ពួកគេ។
បែបនេះក្ដី! លោក Bosz បាននិយាយបន្ទាប់ពីចាញ់ថា៖” ពួកយើងមាន៤ប្រកួតទៀតដែលនៅសល់ ហើយយើងនឹងព្យាយាមដើម្បីឈ្នះ។ វាពិតជាសំខាន់ណាស់ ដែលយើងត្រូវតែឈ្នះការប្រកួតទាំងពីរជាមួយ APOEL ហើយជំនួបជាមួយ Real Madrid និង Tottenham នឹងកាន់តែធំនិងកក្រើក”។
និយាយពីក្រុមម្ចាស់ជើងឯកទ្វីបអឺរ៉ុប Real Madrid, លោក Bosz និយាយថាក្រុមមួយនេះមានកម្រិយមួយខ្ពស់ជាងក្រុមរបស់លោក ហើយលោកពិតជាសោកស្ដាយដែលអាជ្ញាកណ្ដាលមិនពិន័យ Penalty។
“ យើងបានចាញ់ក្រុមដែលខ្លាំងមួយ។ខ្ញុំនិយាយដោយស្មោះត្រង់ទៅចុះ! Madrid គឺជាក្រុមដែលល្អជាងយើងហើយជ័យជម្នះរបស់ពួកគេគឺជាអ្វីដែលពួកគេគួរតែទទួលបាន។ ជាមួយនឹងវីដេអូជំនួយការអាជ្ញាកណ្ដាល វាគួរតែមានបាល់ពិន័យ១១ម៉ែត្រ ហើយអាជ្ញាកណ្ដាលធ្វើមិនបានល្អបំផុតនោះទេ“៕
