Messi ទើបបំបែកកំណត់ត្រាក្លាយជាកីឡាករដែលបានស៊ុតបញ្ចូលទីលើក្រុមនៅ La Liga បានច្រើនជាងគេរហូតដល់៣៦ក្រុម គឺច្រើនជាងកីឡាករណាៗទាំងអស់ក្នុងប្រវត្តិសាស្ត្រ La Liga។
Girona គឺជាជនរងគ្រោះទី៣៦ ក្រោមថ្វីជើងរបស់កីឡាករមាឌតូច ពូកែញាក់បាល់រូបនេះ។ ទោះជាយ៉ាងណាក៏ដោយ ក្នុងរយៈពេលជាង១៤ឆ្នាំ មកនេះ មានក្លឹប ៣ ដែល Messi មិនទាន់អាចរកគ្រាប់បាល់ បំប៉ោងសំណាញ់ទីរបស់ពួកគេបាននៅឡើយ។
ក្លឹបទាំងបីនោះរួមមាន Xerez, Real Macia, និង Cadiz។ Xerez – Messi ធ្លាប់លេងជាមួយបាន២ដង កាលពីរដូវកាល២០១០ តែមិនបានទាត់បញ្ចូលទីក្រុមមួយនេះឡើយ។ ចាប់តាំងពីពេលនោះក្រុមមួយនេះ បានធ្លាក់ដល់កម្រិត Tercera Divisionដែលជាលីកលំដាប់ទី៤របស់អេស្ប៉ាញ។
ចំណែក Real Mucia- Messi ធ្លាប់លេងបានម្ដងកាលពីឆ្នាំ២០០៨ ដោយកាលនោះ Barcelona យកឈ្នះដោយលទ្ធផល៥ទល់៣ តែ Messi អត់មានគ្រាប់បាល់ទេ។ ចំណែកក្លឹបទី៣ Cadiz ។ Messi លេងប៉ះក្រុមមួយនេះបានម្ដងកាលពីឆ្នាំ២០០៥ ប៉ុន្ដែប្រកួតចប់ទៅដោយលទ្ធផល សូន្យស្មើ៕
Besoccer
