Peter Crouch បានបង្កើតកំណត់ត្រាមួយទៀតហើយ ក្នុងអាជីពបាល់ទាត់តបស់ខ្លួនក្រោយពេលបានបង្ហាញខ្លួន ក្នុងនាមជាកីឡាករបម្រុងច្រើនជាងគេក្នុងប្រវត្តិសាស្រ្ត Premier League។
ខ្សែប្រយុទ្ធក្លឹប Stoke City បានចូលលេងនៅនាទី៧៣ក្រោយអង្គុយកៅអីបម្រុងជាងមួយម៉ោងកន្លះ ក្នុងការប្រកួតដែល Stoke Cityលេងទល់នឹងក្រុម Brighton & Hove Albionទទួលបានលទ្ធផល២-២ កាលពីយប់មិញដោយជំនួស Xherdan Shaqiri ។
143 – @petercrouch has now made more substitute appearances than any other player in @premierleague history. Super.
— OptaJoe (@OptaJoe) November 20, 2017
ការចូលលេងនេះធ្វើឲ្យខ្សែប្រយុទ្ធកម្ពស់២ម៉ែត្រម្នាក់នេះ ក្លាយជាកីឡាករបម្រុងចូលលេងច្រើនបំផុតគឺ១៤៣ប្រកួតក្នុងPremier League។ ចំនួននេះធ្វើឲ្យ Crouch បំបែកកំណត់ត្រារបស់ Shola Ameobi ដែលបានចូលលេង១៤២ប្រកួតក្នុងនាមជាមកីឡាករបម្រុងកាលនៅ Newcastle United។
15 – Only Jermain Defoe (23), Ole Gunnar Solskjaer (17) & Nwankwo Kanu (17) have more Premier League goals as a sub than Peter Crouch. Nod. pic.twitter.com/XujLczvM9T
— OptaJoe (@OptaJoe) November 4, 2017
បើនិយាយពីការរកគ្រាប់បាក់ក្នុងនាមជាកីឡាករបម្រុង អតីតខ្សែប្រយុទ្ធ Liverpool, Spurs..រូបនេះរកបាន១៥គ្រាប់ក្នុងចំណោម១៤៣ប្រកួតនេះគឺឈរលំដាប់លេខ៤។ កីឡាករបម្រុងដែលរកគ្រាប់បាល់បានច្រើជាង Crouch គឺ Jermain Defoe (២៣គ្រាប់), Ole Gunnar Solskhaer (១៧គ្រាប់) និង Nwankwo Kanu (១៧គ្រាប់)៕
