ខ្សែការពារវ័យចាស់វស្សារបស់ Real Madrid កីឡាករ Pepe បានទៅចូលរួមជាមួយក្លឹប Besiktas នៅលីកកំពូលទួរគីក្នុងកុងត្រារយៈពេល២ឆ្នាំ ដោយគ្មានតម្លៃខ្លួនបន្ទាប់អស់កុងត្រាជាមួយស្ដេចស។
កីឡាករវ័យ៣៤ឆ្នាំបានក្លាយជាកីឡាករគ្មានតម្លៃខ្លួន ក្រោយចប់កុងត្រាជាមួយ Real Madrid ហើយរូបគរសុខចិត្តទៅលេងនៅលីកកំពូលខាងប៉ែកអឺរ៉ុបខាងកើត។ការចុះកុងត្រាបានសម្រេចរួចរាល់ក្រោយចំណាយពេលជាង១០ឆ្នាំជាមួយកីឡដ្ឋាន Bernabue។ Pepe បានមកចូលរួមជាមួយ Real ដោយចាកចេញពីPorto កាលពីឆ្នាំ២០០៤ដោយបង្ហាញខ្លួនបាន៣៣៧ប្រកួតឲ្យក្លឹបយក្សអេស្ប៉ាញ។
គាត់បាននាំយកបទពិសោធន៍យ៉ាងជោកជាំទៅកាន់ទីក្រុង Istanbul ដោយពានធំដែលគាត់ធ្លាប់ឈ្នះជាមួយReal Madrid គឺLa liga ៣ ដងនិងChampions League ៣ដង។ បន្ថែមពីនេះគាត់ក៏ជាផ្នែកមួយនៃជម្រើសជាតិព័រទុយហ្គាល់ក្នុង Confederations Cup ក្នុងប្រទេសរុស្សីផងដែរ។ រូបគេបានជួយព័រទុយហ្គាល់ឈ្នះពានEuro 2016 ដោយបានចូលលេងពេញម៉ោងរហូតដល់ឈ្នះបារាំងក្នុងម៉ោងបន្ថែម។
