ក្រុមជម្រើសជាតិយុវជនក្រោមអាយុ១៥ឆ្នាំរបស់កម្ពុជា (U15) ដែលដឹកនាំដោយលោក Lee Tae Hoon បានចេញដំណើរទៅប្រកួតដណ្តើមជើងឯកប្រចាំតំបន់អាស៊ាន (AFF U15 Championship 2017) ដែលរៀបចំឡើងនៅប្រទេសថៃ នៅវេលាម៉ោង១០ព្រឹកថ្ងៃសុក្រ ទី៧ខែកក្កដា ឆ្នាំ២០១៧ នេះឆ្ពោះទៅកាន់រាជធានីបាងកក មុនបន្តដំណើរទៅកាន់ខេត្ត Chonburi។
កីឡាករចំនួន២៣នាក់ ដែលលោក Lee Tae Hoon ដឹកនាំទៅប្រទេសថៃរួមមាន៖
ពានរង្វាន់ AFF U15 Championship 2017 នេះមានក្រុមចំនួន១២ចូលរួមដោយពូល A មានអូស្រ្តាលី, ថៃ, ឡាវ, មីយ៉ាន់ម៉ា, ឥណ្ឌូណេស៊ី, សិង្ហបុរី ហើយពូល B មានវៀតណាម, កម្ពុជា, ទីម័រខាងកើត, ម៉ាឡេស៊ី, ហ្វីលីពីន និងព្រុយណេ។
ពានរង្វាន់នេះចាប់ប្រកួតពីថ្ងៃទី៩ ដល់២២ខែកក្កដា ឆ្នាំ២០១៧ លើទីលាន Chonburi Campus Stadium ក្នុងខេត្ត Chonburi។
ការប្រកួតបើកឆាកក្នុងពូលកម្ពុជា ត្រូវប៉ះវៀតណាម នៅវេលាម៉ោង៥ល្ងាចថ្ងៃទី១០ ខែកក្កដា ហើយនៅថ្ងៃទី១២កក្កដា បន្តជួបហ្វីលីពីន នៅវេលាម៉ោង៧:៣០នាទីយប់ ហើយនៅថ្ងៃទី១៤ខែកក្កដា កម្ពុជា បន្តប៉ះទីម័រខាងកើត នៅវេលាម៉ោង៧:៣០នាទីយប់ នៅថ្ងៃទី១៦ខែកក្កដា កម្ពុជា ជួបក្រុមព្រុយណេ និងនៅថ្ងៃទី១៨ខែកក្កដា កម្ពុជា ប្រកួតបិទពូលជាមួយក្រុមម៉ាឡេស៊ី៕
រូបភាព៖ សហព័ន្ធកីឡាបាល់ទាត់កម្ពុជា
