ដំបូងឡើយ ក្រុមជម្រើសជាតិកម្ពុជា ត្រូវបានកោះហៅចំនួន២៥នាក់ដើម្បីហ្វឹកហាត់នឹងប្រមូលផ្ដុំប្រកួតមិត្តភាព ជាមួយមីយ៉ាន់ម៉ា និងប្រកួតវគ្គជម្រុះ AFC Asian Cup 2019 ជាមួយ ហ្សកដានី។
បែបណាក្ដី! អតីតគ្រូបង្វឹកក្លឹបបឹងកេតអង្គរ នឹងត្រូវកាត់កីឡាករ២នាក់ចេញ ដើម្បីយក២៣នាក់ នៅថ្ងៃ ទី ១៣ ខែ វិច្ឆិការឆ្នាំ២០១៧ ពីព្រោះលក្ខន្តិកៈរបស់អ្នករៀបចំការប្រកួត គេឲ្យតែ២៣នាក់ទេសម្រាប់ពានផ្លូវការណាមួយ។
ការកាត់កីឡាករយកតែ២៣នាក់ លោកប្រាក់ សុវណ្ណារ៉ា បានបង្ហាញហេតុផលទៅលើទម្រង់លេង ថា តើ យើងត្រូវការលេងបែបការពារច្រើន បម្រើច្រើន ឬក៏លេងបែបប្រយុទ្ធ ដែលយើងត្រូវកាត់ទៅតាមទម្រង់លេងរបស់គ្រូ។ ចំណែកមូលហេតុទី២គឺលោកបាននិយាយថា យើងមិនអាចដឹងមុនថា កីឡាករមានបញ្ហាសុខភាព ឈឹឬបញ្ហាផ្តាល់ខ្លួនយ៉ាងណានោះទេ ខណៈការប្រកួតខិតជិតមកដល់។
អញ្ចឹងក៏ដោយ! លោកមិនទាន់បានបញ្ជាក់ពីអត្តសញ្ញាណកីឡាករណាម្នាក់ ដែលត្រូវកាត់ចេញនោះឡើយទេ គឺមានតែរងចាំដល់ថ្ងៃទី១៣ទើបសម្រេច៕
រូបថត៖ សហព័ន្ធបាល់ទាត់កម្ពុជា
